गण्डक नहर अझै मर्मत भएन

377 0

कार्तिक १३, २०७४-भदौ पहिलो साताको भीषण वर्षासँगै आएको बाढीले क्षतिग्रस्त गण्डक नहर अझै मर्मत हुन सकेको छैन । जिल्लाको जगरनाथपुर गाउँपालिकाको जानकीटोलामा करिब ७० मिटर नहरको क्षति पुगेको किनार मर्मत भएको छैन ।

नारायणी सिँचाइ व्यवस्थापन डिभिजन कार्यालय बहुअरीका प्रमुख इन्जिनियर राजेन्द्रप्रसाद साहका अनुसार, जानकीटोलामा ठूलो क्षति भएको र पछि त्यहाँ करिब ३६ फिट गहिरो खाडल बनेकाले मर्मत उपहरणहरू लैजान सम्भव नहुँदा ढिलाइ भएको हो । ‘त्यहाँ नहरको दुवैतर्फका किनार क्षतिग्रस्त भएकामा दाहिनेकिनार र त्यससँगैको सर्भिस सडक मर्मत गरी यातायात सुरु गरिसकेका छौं,’ उनले भने, ‘तर देब्रेकिनार तर्फको जटिल भौगोलिक संरचनाकै कारण मर्मत गर्न सकिएको छैन ।’

कार्यालयले नहर मर्मतका लागि केन्द्रसँग बजेट माग गरेकोमा हालसम्म प्राप्त नहुँदा पनि काम नभएको उनी बताउँछन् । ‘कार्यालयको साधन स्रोतले भ्याएसम्म हामीले कम समयमा पर्सा र बारामा भत्किएका ३ दर्जन स्थानका नहरको किनार तथा सर्भिस सडक मर्मत सम्भार गर्न सफल भयौं,’ उनले भने, ‘अब भने भौगोलिक विकट र बजेट अपुग भएकाले समस्या भएको हो, केन्द्रले यसमा तदारुकता देखाए चाँडै मर्मत गर्छौं ।’

बाढीले भारततर्फ पनि २६ ठाउँमा नहरको संरचना भत्किए पनि ५२ करोड रुपैयाँमा मर्मतको काम पूरा भएको आफूले जानकारी पाएको उनले बताए ।

किसानको मागपछि भत्किएकै नहरको संरचना मर्मतबिनै असोज २४ मा धानबालीका लागि भारतीय पक्षसँग आग्रह गरी नहरमा पानी प्रवाह गरिएको उनले बताए । ‘सावधानीपूर्वक भत्किएको किनारमा

बालुवाका बोराहरू राखेर भए पनि नहरमा पानी छाडियो,’ साहले भने, ‘साबिकभन्दा कम भए पनि नहरमा पानी प्रवाह गरियो, नहरछेउका किसानले पम्पसेटबाट तानेर गर्जो टारे ।’ यसरी आएको पानीले ३ नम्बर ब्लकसम्मका किसानलाई राहत मिलेको उनले बताए ।

गहुँका लागि नहरमा पानी ल्याउन आफू हरसम्भव प्रयासरत रहेको साहको दाबी छ । ‘गहुँ बालीका लागि मंसिर अन्त्यतिर सिँचाइ चाहिन्छ, ८ सय क्युसेक पानी त नआउला तर किसानलाई चाहिने जति आउने वातावरण बनाउदै छुँ,’ उनले भने, ‘हामीसँग अझै करिब डेढ महिना बाँकी छ, त्यतिन्जेल केन्द्रबाट केही बजेट आउने र आफ्नै साधन स्रोत परिचालन गरेर भए पनि किसानलाई राहत दिने प्रयास जारी छ ।’ सिँचाइराज्यमन्त्री, सिँचाइ विभागका उपमहानिर्देशक, क्षेत्रीय निर्देशकसहित सरोकारवाला अधिकारीहरूले पनि क्षतिग्रस्त नहरको स्थलगत निरीक्षण गरिसकेको उनले बताए ।

वर्षा र बाढीले गण्डक नहरले पर्सा र बारामा मात्रै ७० करोड रुपैयाँभन्दा बढीको क्षति पुर्‍याएको कार्यालयको प्राविधिक टोलीको प्रारम्भिक स्थलगत अध्ययनले देखाएको छ । नहरको पर्सादेखि रौतहटको ८१ किमि खण्डमध्ये पर्सा, बारा र रौतहटको मूल नहर तथा बारा र रौतहटको ब्लक नहरको ३५ स्थानमा र मूल नहरको दायाँबायाँ किनार र सर्भिस सडक समेतमा क्षति पुगेको थियो । मूल नहर र यसको ब्लक नहरमा समेत गरी ७० करोड ४५ लाख ३३ हजार १ सय रुपैयाँबराबरको क्षतिको अनुमान कार्यालयको थियो ।

मूल नहरमा ५० करोड २० लाख ७८ हजार १ सय रुपैया र १५ मध्ये १० ब्लक तथा ट्युवेलमा समेत गरी २० करोड २४ लाख ५५ हजार रुपैया क्षति भएको अनुमान गरिएको हो । ब्लक नम्बर १ मा ५० लाख, २ मा १ करोड ५ लाख, ३ मा १ करोड ३५ लाख ८३ हजार, ४ मा १ करोड २६ लाख ५ हजार र ५ मा ८ लाख रुपैया बराबरको क्षति भएको छ । त्यसैगरी, ब्लक नम्बर ६ मा ४७ लाख ९३ हजार, ७ मा ५ करोड ६५ लाख ९० हजार, ८ मा ९ करोड ३६ लाख २४, ९ मा १४ लाख ६० हजार र १० मा ५ लाख रुपैया बराबरको क्षति भएको अनुमान गरिएको थियो ।

प्रतिक्रिया

Related Post

मतपेटिकामा आगो लाग्यो, मतदान स्थगित

Posted by - November 26, 2017 0
बाँफिकोट गाउँपालिका- ५, रुकुम पश्चिम रत्न आधारभुत विद्यालय ‘क’ केन्द्रको प्रतिनिधि सभा सदस्यको मत पेटिकामा आगो लागेको छ । मतपेटिकामा…

पोखरामा प्रहरीले पत्रकारलाई कुटेको भिडियो भाइरल (भिडियो हेर्नुहोस्)

Posted by - February 7, 2018 0
, २४ माघ !! पृथ्वीनारायण क्याम्पसका विद्यार्थीलाई सोमबार साँझ पोखराको नगरबसले ठक्कर दिएर मृत्युपछि मंगलबार बिहानैदेखि क्याम्पसगेट क्षेत्र तनावपूर्ण रह्यो ।…

ग्यास प्लान्ट आगलागीमा दुई अग्नि नियन्त्रकको मृत्यु

Posted by - December 20, 2017 0
वीरगञ्ज : वीरगञ्जस्थित सुपर ग्यास प्लान्टमा भीषण आगलागी हुँदा दुईजनाको मृत्यु भएको छ। वीरगञ्ज महानगरपालिका २२ मा रहेको सुपर ग्यासको प्लान्टमा…

उद्योगी-व्यवसायीको गोप्य बैठकः नेताहरुको सम्पत्ति सार्वजनिक, प्रचण्ड दोस्रो धनी

Posted by - December 12, 2017 0
काठमाडाैं । उद्योगी-व्यवसायीहरुको गोप्य बैठक सम्पन्न भएको छ । चुनावको लागि भन्दै नेपाली काँग्रेस, नेकपा एमाले, माओवादी केन्द्रका नेताहरुले तोकेरै…

समानुपातिकको मतगणना सकियो, एक सिटे पाँच सांसद माओवादी १७ सिटमा सिमित, थ्रेस होल्ड कटाउन असफल भए यी दलहरु

Posted by - December 17, 2017 0
समानुपातिक निर्वाचन प्रणालीको मतगणना सकिएको छ । निर्वाचन आयोगका अनुसार ९५ लाख ४४ हजार ७४१ मत सदर भएको छ भने…
%d bloggers like this: