‘माल्टामा ५ वर्षमा पीआर पाइँदैन’

121 0

कार्तिक १०, २०७४-युरोप र उत्तर अफ्रिकाको बीचको सानो युरोपेली मुलुक माल्टा नेपालीका लागि नयाँ गन्तव्य बनेको छ । विद्यार्थीबाहेक वर्क पर्मिट भिसा लिएर माल्टा जाने नेपालीको संख्यामा वृद्धि भएको छ । अहिले करिब अढाइ सय नेपाली त्यहाँका विभिन्न क्षेत्रमा कार्यरत छन् । लन्डनस्थित नेपाली दूतावासले माल्टामा रोजगारीका लागि कामदार माग भएको जनाएको छ ।

‘अहिले माल्टाबाट २ सय ४८ नेपाली कामदारको माग भई प्रमाणीकरणका लागि दूतावासमा अनुरोधपत्र आएको छ,’ लन्डनस्थित नेपाली दूतावासका उपनियोग प्रमुख शरदराज आरणले कान्तिपुरसँग भने । केही समयअघि मात्र माल्टा पुगेर फर्किएका आरणले उक्त देश नेपालीको नयाँ गन्तव्य बन्दै गएको बताए । आरणसहित सैनिक सहचारी प्रदीपजंग केसीले माल्टास्थित नेपाली समुदायसँग अन्तरक्रिया गरेका थिए । माल्टा युनिभर्सिटीमा करिब २० नेपाली अध्ययनरत छन् ।

‘नेपालका केही म्यानपावरले विद्यार्थीले पनि काम गर्न अनुमति र ५ वर्षमा स्थायी बसोबास (पीआर) पाइन्छ भनेर भ्रम फैलाइरहेका छन्,’ आरणले भने, ‘त्यो सरासर गलत हो ।’ आरणले आफूले म्यानपावरलाई १२ लाख रुपैयाँसम्म तिरेर माल्टा पुगेका नेपाली भेटेको जनाए । उनका अनुसार मल्टी नेसनल कम्पनी विशेष गरी सर्भिस सेक्टर र कलकारखाना बढिरहेकाले नेपाली कामदारको माग बढेको हो ।

प्रतिघण्टा साढे ४ युरो ज्याला पाइने माल्टामा मासिक करिब ८ सय युरो कमाइ हुन्छ । खर्च कटाएर मासिक ४ सय युरो बचत हुने भए पनि विद्यार्थीलाई काम गर्न भने अनुमति छैन ।

आरणले भ्रमणका क्रममा माल्टाको विदेश तथा व्यापार प्रवद्र्धन मन्त्रालयका निर्देशक क्लाउड बोनेलोसँग भेटेका थिए । भेटमा दुई देशबीच सम्बन्ध विस्तार, सहयोग आदानप्रदान, रोजगारी र विद्यार्थीलाई सहज भिसा र काम गर्न अनुमति दिनेबारे छलफल भएको आरणले बताए । नेपाल र माल्टाबीच द्विपक्षीय परामर्श संयन्त्र बनाउन नेपाल सरकार इच्छुक रहेको समेत आरणले अवगत गराएका थिए । माल्टा आप्रवासीका लागि प्रवेश मार्गको रूपमा रहँदै आएको छ । धेरैजसो आप्रवासी युरोपका अन्य मुलुक छिर्न माल्टालाई प्रयोग गर्छन् । ४ लाख जनसंख्या मात्र भएको माल्टा सन् २००४ मा युरोपेली संघको सदस्य बनेको हो ।

युरो–जोनको सबैभन्दा सानो अर्थतन्त्र व्यापार, पर्यटन र उद्योगधन्दामा आधारित छ । ब्रिटेनको पूर्वउपनिवेश माल्टा सन् १९६४ मा स्वतन्त्र भएको हो । नेपाल र माल्टाबीच सन् १९८३ मा दौत्यसम्बन्ध कायम भएको हो । काठमाडौंमा माल्टाको अनरेरी कन्सुलेट रहेको छ भने लन्डनस्थित नेपाली दूतावासले माल्टासम्बन्धी मामिला हेर्दै आएको छ ।

प्रतिक्रिया

Related Post

राष्ट्रपति ट्रम्पको नीजि भवनमा आगलागीः एकको मृत्यु

Posted by - April 8, 2018 0
अमेरिकी राष्ट्रपति डोनल्ड ट्रम्पको नीजि भवन ‘ट्रम्प टावर’ मा आगलागी भएको छ । शनिबार भएको आगलागीमा एकको मृत्यु हुनुको साथै…

बिल गेट्सलाई पछि पार्दै अमेजनका जेफ बेजोस बने विश्वकै धनी

Posted by - November 2, 2017 0
वासिङ्टन- अनलाइन सपिङ कम्पनी अमेजनका सीइओ जेफ बेजोस विश्वका सबैभन्दा धनी व्यक्ति बनेका छन्। यसअघि माइक्रोसफ्ट कम्पनी संस्थापक बिल गेट्सलाई…

स्टिफन हकिङका १८ प्रेरक बचन, जसले जीवन बदल्न सहयोग गर्छ

Posted by - March 15, 2018 0
‘म मृत्युसँग डराउँदिन । तर मलाई मर्नका लागि हतार छैन । मेरोलागि गर्नुपर्ने धेरै काम बाँकी छ ।’ वर्तमान युगका…

कतारले विदेशी कामदारका लागि न्युनतम पारिश्रमिक तोक्दै

Posted by - October 27, 2017 0
दोहा –कतार सरकारले श्रमसम्बन्धी नियममा परिमार्जन गरि कामदारका लागि न्यूनतम पारिश्रमिक तोक्ने तयारी गरेको छ। कतारमा सन् २०२२ मा विश्व…

भारतले ८३ हजार किलोमिटर सडक बनाउँदै

Posted by - October 30, 2017 0
कार्तिक ७, २०७४-भारतको केन्द्रीय सरकारले आफ्नो भूमिमा ८३ हजार किलोमिटरभन्दा लामो सडक/राजमार्ग बनाउने परियोजनालाई स्वीकृति प्रदान गरेको छ । उसले…
%d bloggers like this: