एमाले नेता शेरधन राईको गाडीमा बम प्रहार, सुरक्षागार्ड घाइते

113 0

चुनावी सभामा जाँदै गर्दा ट्याम्के मैयुङ गाउँपालिका– ६ स्थित गुम्बामा बिहान १० बजे अपरिचित समूहले बम हानेको राईका सञ्चार संयोजक ध्रुव सुवेदीले जानकारी दिए । बमको छर्रा लागेर निजी सुरक्षागार्ड डिल्ली देवकोटा घाइते भएका छन् ।

प्रतिकारमा सुरक्षागार्ड देवकोटाले १४ राउण्ड हवाई फायर गरेका छन् ।

अध्यक्ष ओलीद्वारा भर्त्सना

एमाले अध्यक्ष केपी शर्मा ओलीले एमाले प्रदेश नं १ का सहसंयोजक एवं भोजपुर १ का प्रदेश सभा सदस्य उम्मेदवार पूर्वमन्त्री शेरधन राईमाथि बिहान भएको साङ्घातिक आक्रमणको भर्त्सना गरेका छन् ।

निर्वाचन प्रचारको क्रममा रहेका उम्मेदवारमाथिको आक्रमणलाई आफ्नो पार्टीले सिंगो एमाले पंक्तिमाथिको आक्रमणको रुपमा लिएको ओलीको भनाइ छ । ‘यस घटनामा संलग्न जोसुकै भए पनि उनीहरूको उद्देश्य लोकतन्त्रलाई संस्थागत हुन नदिने, निर्वाचन भाँड्ने र मुलुकमा भाँडभैलो मच्चाइरहने स्पष्ट हुन्छ,’ ओलीद्वारा जारी विज्ञप्तीमा भनिएको छ, ‘हामी सरकारलाई निर्वाचनका उम्मेदवारहरूलाई यथेष्ट सुरक्षा प्रदान गर्न र यस्ता साङ्घातिक आक्रमणहरू नियन्त्रण गर्न सचेत गराउँछौं ।’

सत्ताधारी दलका उम्मेदवार वरिपरि अनावश्यक सुरक्षाकर्मीको भीड जम्मा गर्ने, पूर्वदेखि पश्चिमसम्मका बामपक्षीय लोकतान्त्रिक गठबन्धनका उम्मेदवारमाथि एकपछि अर्को आक्रमणको घटना जारी रहने कुराप्रति सरकारको उदासिनताले आश्चर्य चकित बनाएको ओलीको भनाइ छ ।

ओलीले आपराधिक घटनाप्रति गम्भीर हुन र शान्तिपूर्ण तथा स्वच्छ निर्वाचनको ग्यारेन्टी गर्न सरकारसँग माग गरेका छन् । उनले घटनामा संलग्न दोषीमाथि कडा कारवाही गर्न आग्रह गरेका छन् ।

 

प्रतिक्रिया

Related Post

हेर्नुहोस कांग्रेसबाट को को छानिँदैछन् समानुपातिक संसद ? (४० जनाकै नामसहित)

Posted by - December 20, 2017 0
काठमाडौं, ५ पुस । प्रतिनिधिसभामा प्रत्यक्षतर्फ २३ सिट जितेको नेपाली कांग्रेसले समानुपातिकमा ४० सिट पाउने भएको छ । जम्मा ६३…

कठिन घुम्तीमा कांग्रेस, कांग्रेसले मनन गर्नैपर्ने कुरा

Posted by - December 15, 2017 0
अदक्ष ड्राईवरले सवारी हाँक्दा दुर्घटनामा परिन्छ। नेपाली कांग्रेसको सवालमा मात्र नभएर नेपाली राजनितिमा स्थापित राजनैतिक दलरुपी जम्वो सवारीका लगभग पहिलो…

चुनावमा चन्दा आतंक: व्यक्तिगत चन्दा संकलनले विकृति

Posted by - November 16, 2017 0
उद्योग वाणिज्य महासंघका निवर्तमान अध्यक्ष पशुपति मुरारकाको मोबाइल केही दिनयता धेरै समय अफ हुन्छ। चन्दा माग्नेको फोनबाट आजित भएपछि मोबाइल…

प्रचण्डका कारण नेपाली राजनीतिमा फेरी चमत्कार हुदै, आखिर के गरे प्रचण्डले

Posted by - December 29, 2017 0
काठमाडौं। दुई महिनादेखि राष्ट्रिय सभा निर्वाचन कानुन सम्बन्धी अध्यादेश रोकेर राखेकी राष्ट्रपति विद्यादेवी भण्डारी अब अध्यादेश नरोक्ने निश्कर्षमा पुगेकी छन्।…

चितवनका जनताले ऐतिहासिक निर्णय गर्नेछन् : दाहाल

Posted by - October 30, 2017 0
चितवन- नेकपा (माओवादी केन्द्र)का अध्यक्ष पुष्पकमल दाहालले वाम तालमेल देश र जनताको आवश्यकताले बनेको बताएका छन्। चितवनमा आयोजित पत्रकार सम्मेलनमा…
%d bloggers like this: