कांग्रेसलाई ओलीको सुझावः जनताले पत्याउने आरोप लगाऊ

164 0

३० कात्तिक, स्याङजा । नेकपा एमालेका अध्यक्ष केपी शर्मा ओलीले २५ वर्षअघि एमालेले सरकार बनाए बुढाबुढीलाई मार्छ भन्ने कांग्रेसले अहिले वामपन्थीले जिते कम्युनिस्ट अधिनायकवाद ल्याउने हौवा फिँजाएको बताएका छन् । उनले कांग्रेसलाई जनताले पत्याउने खालका आरोप लगाउन सुझाव समेत दिए ।

स्याङजाको पुतलीबजारमा आयोजित चुनावीसभालाई सम्बोधन गर्दै एमाले अध्यक्ष ओलीले भने, ‘त्यो बेला पनि कम्युनिस्टले जिते बुढाबुढीलाई गोली ठोकेर मार्छ भनेकै हुन् । हामीले सरकार बनाएर बृद्धभत्ता दियौं । राष्ट्रको ढुकुटी रित्यायो भनेर कांग्रेसले नै बिरोध गर्‍यो । मैले २ हजार बनाइदिएँ अब चुनाव जितेपछि बृद्धभत्ता ५ हजार दिने हो । कांग्रेसले टाउको फुटाए पनि बृद्धभत्ता ५ हजार पुग्छ ।’

वाम गठबन्धनले ल्याउन खोजेको कम्युनिस्ट सत्ता भएको पनि ओलीले बताएका छन् । ‘हो हामीले ल्याउन खोजेको कम्युनिस्ट सत्ता नै हो । अब मंसिर २१ पनि देशमा कम्युनिस्ट सरकार बन्छ’ उनले भने, ‘कांग्रेसको लुटतन्त्र रोक्न कम्युनिस्ट सत्ता चाहिएकाले एमाले र माओवादी मिल्नुपरेको हो ।’

ओलीले समय अभावका कारण तत्काल दुई पार्टीबीच एकीकरण हुन नसके पनि चुनावपछि एउटै कम्युनिस्ट पार्टी बन्ने बताए । उनले भने, ‘हामी एउटै सूर्य चिन्हबाट चुनाव लड्न सहमत भएका हौं तर, प्राविधिक कारणले सम्भव भएन । अब केही समयमै एउटै पार्टी हुन्छ, त्यसैले यो ऊ नभनी मत दिनुस् ।’

क्षेत्र नम्बर १ मा नारायण मरासिनी र २ मा पद्मा अर्यालसहित वाम गठबन्धनका उम्मेदवारलाई भोट माग्दै एमाले अध्यक्ष ओलीले आँधीखोलामा हाइड्याम बनाउने बताए ।

उनले भने, ‘आँधीखोलामा हाइड्याम हामी बनाउछौं । पोखरासम्म जाने सुरुङमार्ग निर्माण गर्छौं । वालिङमा प्याराग्लाइडिङ चलाउछौं । भिरकोटको पर्यटन विकास पनि हामी गर्छौं ।’

एमाले अध्यक्ष ओलीले आफूले फाउमा (सित्तैमा) पाएको जिन्दगी नेपाल र नेपालीको सम्बृद्धिमा लगाउन चाहेको भन्दै बहुमतको सरकार निर्माणमा सघाउन आह्वान गरे ।

प्रतिक्रिया

Related Post

वाम गठबन्धन भन्छ–‘चुनाव टार्नु असह्य’

Posted by - October 27, 2017 0
कार्तिक १०, २०७४-एमाले र माओवादी केन्द्र गठबन्धनले मंसिरमा हुने निर्वाचन प्रतिकूल हुने कुनै काम नगर्न सरकार र सम्बद्ध पक्षलाई चेतावनी…

चर्चाको शिखरमा चितवनको चुनाव

Posted by - November 10, 2017 0
रत्ननगर (चितवन), कात्तिक २४ गते ।  मङ्सिर २१ गते हुने प्रतिनिधिसभा र प्रदेशसभाको निर्वाचनका लागि पूर्वप्रधानमन्त्री, पूर्वमन्त्री, बहालवाला मन्त्री र…

बिजुलीदेखि रेलसम्मः अवसरको चाङमाथि अबको सरकार

Posted by - December 31, 2017 0
१६ पुस, काठमाडौं । तत्कालीन प्रधानमन्त्री पुष्पकमल दाहाल प्रचण्ड सरकारबाट बाहिरिँदै गर्दा विपक्षी दलका नेता तथा एमाले अध्यक्ष केपी ओलीले…

काँग्रेस संगठित हुनुको विकल्प छैनः महामन्त्री कोइराला

Posted by - February 23, 2018 0
बेसीशहर । नेपाली काँग्रेसका महामन्त्री डा शशांक कोइरालाले काँग्रेस अब संगठित भएर अघि बढ्नुको विकल्प नरहेको बताएका छन् । लमजुङको…

सामाजिक सञ्जालकाे शक्तिले बनेका सांसद

Posted by - January 29, 2018 0
सातैपिच्छे जस्तो ‘नेपाल बन्द’ हुन थालेपछि सहरी युवाको एउटा समूह विरोध गर्दै माइतीघर मण्डला पुग्थ्यो । माइकिङ गर्दै माइतीघर पुग्ने…
%d bloggers like this: