केपी ओलीलाई खुल्ला पत्र

290 0

प्रिय ओली कमरेड
अभिवादन !

देशमा चुनावको गर्मी चढिरहेको छ । तपाईको व्यस्त दैनिकीलाई म राम्ररी बुझ्दछु । सायद तपाईंलाई पत्र पढ्ने फुर्सद नहुन सक्छ । आशा छ तपाईंका सहयोगीहरुले यो पत्र पढ्ने समय मिलाइदिने छन् ।बाम गठबन्धन भएदेखि तपाईका भाषण सुन्नेहरुले अनुमान लगाई रहेका छन् अब तपाईसंग सिद्धान्त भन्ने जिनिस बाँकी रहेन ।

मदन भण्डारीले प्रतिपादन गरेको बहुदलीय जनवाद तपाईंका लागि प्रधानमन्त्री बन्ने राजमार्ग मात्रै भयो । अझ मदन भण्डारी र जीवराज आश्रितको दुर्घटनालाई हत्याको आशंका गर्दै आफूहरु सत्तामा पुगे यो घटनाको दोषी सार्वजनिक गर्ने तपाईको भाषण सुन्नेहरुले के सोचिरहेका होलान् ।

मदनको निधनपछि उमेद्वार बनेकी उनकी धर्मपत्नी विद्याको सेतो सारीमा रातो रङ छर्कन लगाएर त्यसको दोष नेपाली काँग्रेसलाई लगाएको सार्वजनिक गर्ने केशव स्थापित अहिले तपाईकै निकट सहयोगी बनेर त्यस्तै कैयौं अतिरन्जित चुनावी चलखेलमा व्यस्त छन् । जसरीपनि चुनाव जित्नैपर्ने हीन मानसिकताका दास बनेर तपाईले कस्तो समाजको परिकल्पना गर्नु भएको छ ? उदेक लाग्छ ।

ओली कमरेड !

तपाईलाई कसै कसैले राष्ट्रवादी भनिदिंदा खित्का छुट्दो हो, हैन ? भारतले नाकाबन्दी गरेर नागरिक पीडामा परेका बेला आफ्ना कार्यकर्तालाई भारतबाटै तेल र ग्यासको तस्करी गर्न लगाएर नागरिकको मान मर्दन गर्ने व्यक्ति नै हुने हो राष्ट्रवादी ? अथवा आफ्ना छिमेकी मुलुकसंग कुटनैतिक माध्यामबाट देखिएका समस्यामा समाधानको पहल गर्न छाडेर दुवै देशको सम्बन्धलाई कमजोर बनाउने व्यक्तिनै हुने हो राष्ट्रवादी ? जिन्दगीभरि भारत परस्त नेताको ‘सुयोग्य नाम’कमाएका तपाईलाई कति सहजै राष्ट्रवादी बनाई दिए कार्यकर्ताले ? ग्याँस र तेलको तस्करी धन्दाले खल्ती भरेका कार्यकर्ताको यो भन्दा ठूलो पुरस्कार तपाईको जीवनमा के नै हुन्थ्यो र हैन ?

चुनावको सिलसिलामा तपाईले बोलेको सुन्दा आश्चर्यभन्दा बढी तपाईप्रति दया लागेर आउँछ ।

नेपाली नागरिकले खाइनखाई तिरेको करबाट संकलित करोडौं रुपयाँ तपाईको उपचारमा खर्च भएको छ । नेपाली नागरिकको रगत पसिना परेको छ तपाईलाई बचाउन । तर तपाई नै नेपालमा सुलभ र सस्तो उपचार पद्धतिका लागि मेडिकल माफियाका विरुद्ध तेह्रौं पटकसम्म अनशन बसेका डाक्टर गोविन्द केसीका विरुद्ध विष बमन गर्न थाल्नु भएको छ ।

धम्क्याउन थाल्नु भएको छ । वर्तमान सरकारले गरेका निर्णयहरु उल्ट्याउने भाषण गर्न थाल्नु भएको छ । तपाईकै पार्टीका नेताको लगानीमा चलेको अस्पतालका लागि तपाई जे गर्नपनि तयार देखिनु भएको छ । तपाईलाई नेपाली नागरिकको स्वास्थको भन्दा धेरै गुणा आफ्ना भ्रष्ट नेता कार्यकर्तालाई रिझाउनु छ । म पत्याउँछु कमरेड तपाईको शव्दावलीको राष्ट्रवाद यही भ्रष्ट बन्नुमा छ ।

कमरेड !

तपाईले पोखरामा पुगेर भन्नु भएछ । वीपी कोइराला बाँची रहेको भए एमालेमा प्रवेश गर्ने थिए भनेर । अब जिउँदाको हैन निधन भइसकेका नेताहरुको नाम लिएर राजनीति गर्न थाल्नुभएको छ। तपाइको बौद्धिक दिवालियापन देखेर टीठ लागेर बएको छ कमरेड ! म ढुक्कसंग भन्न सक्छु वीपी कोइरालाकै कारण तपाईहरु वामपन्थी भएर गफ हाँक्ने हुनु भएको छ । यथार्थ के चाहिं हो भने वीपी बाँचीरहेको भए एमाले भन्ने पार्टी नै हुने थिएन ।

आज तपाई भारतकै कुनै नेताको दलाली गरेर मेची किनारमा ‘भन्सार एजेन्ट’बनेर बस्नु हुने थियो वा आफ्ना अग्रज नेताजस्तै पञ्चायतको घिउभात खाएर सुपारी तस्करीको हिरो हुनु हुने थियो । धन्न १ आज एउटा पार्टीको अध्यक्ष बन्नु भएको छ । र, त मन लाग्दो बोलीरहन पाउनु भएको छ ।

तपाईलाई लाग्दो हो मन लाग्दो बोल्नु लोकतन्त्रको सुन्दर पक्ष हो । होइन कमरेड ! अरुको सम्मान गर्नु लोकतन्त्रको सुन्दर पक्ष हो । सभ्य शिष्ट र मर्यादित हुनु लोकतान्त्रिक बन्नु हो । तर तपाईलाई हामीले कहिल्यै सभ्य र मर्यादित भएको पाएनौं । हुन त तपाई कहिले पो लोकतान्त्रिक बन्नु भयो र होइन ? सधैं पहाड र तराई विचमा फाटो ल्याएर जथाभावी बोल्ने सन्काहा मान्छे कसरी लोकतान्त्रिक बन्न सक्छ र होइन ?

प्रतिक्रिया

Related Post

काङ्ग्रेस संसदीय दलको नेतामा सर्बसम्मती

Posted by - March 4, 2018 0
काठमाडौँ । कांग्रेस सभापति शेरबहादुर देउवाले संसदीय दलको नेतामा आफूलाई सर्वसम्मत बनाउने प्रयास गरेका छन् । पार्टी पराजित भएको अवस्थामा दलको…

सुविधाकाे उपभोग गर्दै ठूला दल आक्रामक प्रचारमा, उम्मेदवारका आफ्नै घोषणापत्र

Posted by - November 16, 2017 0
काठमाण्डौ । आसन्न प्रदेश र प्रतिनिधिसभा निर्वाचनका लागि कांग्रेसले प्रचारप्रसारलाई व्यवस्थित र आक्रामक बनाएको छ । घोषणापत्र, झन्डा, पार्टी सभापतिको अपिल…

कास्कीमा समानुपातिकमा एमाले पहिलो, विवकेशील साझा चौंथो, बदर मत साना दलको भन्दा बढी

Posted by - December 14, 2017 0
कास्की । कास्कीको तीन वटै निर्वाचन क्षेत्रको समानुपातिक तर्फको मतगणना सकिदाँ प्रतिनिधि सभा समानुपातिकमा लिवरल डेमोक्रेटिक पार्टीले जिल्लाभर १ भोट…

राम कार्कीको बाचाः झापाका सडक अफ्रिकन सुन्दरीको गालाजस्तै बनाउँछु ! ‘विश्वप्रकाश भाइले गाउँमा घुमेर के गर्ने ?

Posted by - November 16, 2017 0
३० कात्तिक, झापा । माओवादी नेता एवं झापा क्षेत्र नम्बर १ का उम्मेदवार राम कार्कीले मजदुरहरुको तलब दोब्बर वृद्धि गर्ने…

यी हुन् कांग्रेसको समानुपातिबाट सांसद बन्ने ‘भाग्यमानी’ ४० अनुहार

Posted by - January 18, 2018 0
मंसिर १० र २१ गते गरी दुई चरणमा भएको निर्वाचनमा प्रत्यक्ष तर्फ २३ सिट मात्र जितेको नेपाली काग्रेसले समानुपातिकमा भने…
%d bloggers like this: