बामदेवलाई केपीले, नारायणकाजीलाई प्रचण्डले, अनिल शर्मालार्इ माधव नेपाल र कांग्रेसलार्इ देउवाले हराएको दावी

318 0

काठमाडौं, २४ मंसिर । प्रतिनिधि र प्रदेश सभाको जारी मत गणनाको परिणाम अाइरहेको छ । परिणामले नेकपा एमाले र माओवादी केन्द्रलाई अागामी सरकारको चावी बुझाउने देखिएको छ ।

यो समाचार तयार पार्दासम्म एमालेले ४७ स्थानमा जित हात पारिसकेको छ भने ३१ स्थानमा अग्रता लिएको छ । त्यसैगरी माओवादी केन्द्रले १६ स्‍थानमा जितेको छ भने १३ स्थानमा अग्रता लिएको छ ।

अहिलेसम्मको चुनावी नतिजाले नेपाली काँग्रेसलाई तेस्रो स्थानमा झारेको छ । उसले २०६४ को माओवादीको राप र तापमा समेत बचाएका क्षेत्र यसपटक गुमाएको छ । पछिल्लो नतिजाअनुसार काँग्रेसले १० ठाउँमा जित हासिल गरेको छ भने १९ स्थानमा अग्रता लिएको बताइन्छ ।

बाँकी नतिजा जस्तो अाएपनि यस पटकको निर्वाचनको परिणाम काँग्रेसको लागि दुःखद् नै हुने देखिएको छ । चुनावको अन्तिम परिणामपछि काँग्रेस नेताहरुले हारको समग्र समिक्षा गर्लान नै तर बाहिर यसकाे समग्र जिम्मेवारी पार्टी सभापति तथा प्रधानमन्त्री समेत रहेका शेरबहादुर देउवामाथि थुपारिएकाे छ । देउवाले काँग्रेसलार्इ नयाँ एजेण्डा पनि दिन नसकेकाे र बलियो गठबन्धन बनाउन पनि नसकेकाे टिप्पणी छ ।

एमाले-माकेको गठबन्धन बनेपछि काँग्रेसले पनि रणानीति परिवर्तन गर्दै कि एजेण्डा बलियो बनाउनु पर्थ्यो कि त मधेसी दलसहितको गठबन्धन, त्यसको लागि काँग्रेस अाफै लचिलो हुनु पर्थ्यो । केही नेताहरुले सांसद र मन्त्री बन्‍ने सपना देख्न छोड्‍न तयार भएको भए यो हारको भोग्नु पर्ने थिएन नै । चुनाव सम्पूर्ण परिणाम अाएपछि काँग्रेसका हारका अरु धेरै कारणबारे चर्चा गरौंला, त्यो गर्दा उसमाथि न्याय हुन्छ । अझै धेरै स्थानमा मगणना जारी रहेको छ भेन समानुपातिक तर्फको पनि गणना भइरहेको छ । अहिले नै काँग्रेसका हारका कारणमाथि विश्लेषण गरिनु हुँदैन ।

यसैबीच सबै दलभित्रका केही बरिष्ठ हस्तीहरुले चुनाव हारेपछि विभिन्न टिप्पणी सुरु भएका छन् । उसाे त नेपाली कांग्रेसकाे पराजयलार्इ अहिले धेरैले शेरबहादुर देउवाकाे काँधमा बाेकाएका छन् । देउवाकै कारणले कांग्रेसले याे अवस्था व्यहाेरेकाे बताउँछन् । कांग्रेसमा प्रमुख नेता नै प्रभावशाली नहुनु ठूलाे दुर्भाग्य भएकाे कांग्रेस समर्थककाे भनाइ छ ।

अझ त देउवाकाे नेतृत्व निकै कमजाेर भएकाे उनीहरु बताउँछन् । चुनावी एजेण्डा तय गर्न नसक्नु, सरकारकाे नेतृत्वमा भएर पनि कुनै प्रभावकारी काम गर्न नसक्नु तथा वाक कलामा पनि देउवाकाे निकै हस्याैली अवस्था हुनुले कांग्रेसमाथि जनता भर पर्न नसकेकाे टिप्पणी छ । पार्टीलार्इ वेजाेग अवस्थामा पुर्याएकाे भन्दै अहिले देउवाकाे राजिनामा समेत माग्न थालिएकाे छ । अर्काेतिर वामगठबन्धनमा पनि केही नेताहरु हारेका छन् । त्यसमध्ये नेकपा एमालेबाट वामदेव गाैतम र माअाेवादी केन्द्रबाट हारेका नारायणकाजी श्रेष्ठकाे हारलार्इ गठबन्धनका प्रमुख नेताहरुसँग जाेडिएकाे छ । बर्दियाबाट बामदेव हार्नुमा एमाले अध्यक्ष केपी अाेलीकाे हात रहेकाे र गाेरखा २ बाट नारायणकाजी हार्नुमा माके अध्यक्ष प्रचण्डकाे हात रहेकाे चर्चा गर्न थालिएकाे छ ।

पत्रकार हरिहरसिंह राठौरले नेकपा एमालेका वरिष्ठ उपाध्यक्ष बामदेव गौतमलाई अध्यक्ष केपी शर्मा ओली र माओवादी केन्द्रका नेता नारायणकाजी श्रेष्ठलाई अध्‍यक्ष प्रचण्डले नै हराउन लगाएको बताएका छन‍् ।

एमालेमा बामदेवले चुनावी अभियानका क्रममा अाफू प्रधानमन्त्री हुने भन्दै भाषण गर्न थालेपछि केपीले याेजनाबद्ध रुपमा उनलार्इ पराजित गराएकाे बताइन्छ । बामदेवले अलिबढी समस्या पार्ने देखिएपछि उनलार्इ ठेगान लगाएकाे हुनसक्ने अनुमान छ । सामाजिक सञ्जालमा यस विषयमा थुप्रै टिप्पणी सुरु भएकाे छ ।

त्यसैगरी माअाेवादी केन्द्रमा समस्या पार्ने मध्ये नारायणकाजीलार्इ मानिएकाे थियाे । उनलार्इ कहाँ राख्ने भन्ने प्रश्न सधै प्रचण्डलार्इ सकस पर्थ्याै । उसाे त पार्टी छाडेर गएका बाबुराम भट्टरार्इ वाम गठबन्धन हुँदै फेरि एकतामै फर्कन लागेका बेला नारायणकाजीले नै त्याे सम्भव हुन नदिएकाे बताइन्छ । नारायणकाजीले गाेरखा २ कुनै हालतमा पनि नछाेड्ने स्थिति देखिएपछि बाबुराम भड्केर कांग्रेससँग मिल्न पुगेका थिए । प्रचण्ड भने गाेरखा २ मा बाबुरामलार्इ दिन चाहेकाे तर नारायणकाजीले नमानेपछि त्याे सफल नभएकाे बताइन्छ ।

त्यतिमात्र नभइ चुनावपछि पनि नारायणकाजीले पार्टी एकतादेखि सरकार गठनसम्म प्रभाव पार्ने भएकाले उनलार्इ साइजमा ल्याउन प्रचण्डले उनलार्इ चुनावी मैदानमै हराइदिएकाे स्राेतकाे दावी छ ।

त्यसैगरी काठमाडाैं निर्वाचन क्षेत्र नम्बर १ मा माधव नेपालले कांग्रेससँग साँठगाँठ गरेकाे अाराेप लगाइएकाे छ । उनले काठमाडाैं २ मा अाफ्नाे जित सुनिश्चित गर्न क्षेत्र नम्बर १ का उम्मेदवार प्रकाशमान सिंहसँग साँठगाँठ गरेर वामगठबन्धनका तर्फबाट उम्मेदवार बनेका अनिल शर्मालार्इ नराम्राे ढंगले पराजित गरेकाे बताइन्छ ।

प्रतिक्रिया

Related Post

कठिन घुम्तीमा कांग्रेस, कांग्रेसले मनन गर्नैपर्ने कुरा

Posted by - December 15, 2017 0
अदक्ष ड्राईवरले सवारी हाँक्दा दुर्घटनामा परिन्छ। नेपाली कांग्रेसको सवालमा मात्र नभएर नेपाली राजनितिमा स्थापित राजनैतिक दलरुपी जम्वो सवारीका लगभग पहिलो…

सभापति चलाउन सक्छु : शेखर काेइराला

Posted by - January 3, 2018 0
विराटनगर : नेपाली काँग्रेसका केन्द्रीय सदस्य डा. शेखर कोइरालाले आफू पार्टीको नेतृत्व चलाउन लायक भइसकेको बताएका छन्। चुनावमा नेपाली काँग्रेसको पराजय,…

प्रचण्डका कारण नेपाली राजनीतिमा फेरी चमत्कार हुदै, आखिर के गरे प्रचण्डले

Posted by - December 29, 2017 0
काठमाडौं। दुई महिनादेखि राष्ट्रिय सभा निर्वाचन कानुन सम्बन्धी अध्यादेश रोकेर राखेकी राष्ट्रपति विद्यादेवी भण्डारी अब अध्यादेश नरोक्ने निश्कर्षमा पुगेकी छन्।…

हत्या-हिंसाको राजनीति सुरु भएको दिनललाई सम्मान गर्न सकिँदैनः ओली

Posted by - February 14, 2018 0
काठमाडौं । जनयुद्ध दिवसको अबसरमा पेरिसडाँडामा अायोजित कार्यक्रममा एमाले अध्यक्ष केपी शर्मा ओली अाएनन् । माओवादी केन्द्रका युवा संगठन वाइसीएल नेपालले…
%d bloggers like this: