प्रतिनिधिसभामा यी हुन् पाँच महिला निर्वाचित

73 0

काठमाडाैं । प्रतिनिधिसभा सदस्यका लागि उम्मेदवार बनेका २० मध्ये पाँच महिला विजयी भएका छन् । चार महिला उम्मेदवारको अझै नतिजा आइसकेको छैन । माओवादी केन्द्रका तीन, एमाले र राष्ट्रिय जनमोर्चाबाट एक–एकजनाले प्रतिनिधिसभा सदस्यको सिट सुरक्षित गरेका हुन् । माओवादीबाट कञ्चनपुर–१ मा विना मगर, ललितपुर–३ मा पम्फा भुसाल र रुकुम पूर्वमा कमला रोका विजयी भएका छन् । त्यस्तै, झापा–२ बाट एमालेकी पवित्रा निरौला खरेल र प्युठानबाट राष्ट्रिय जनमोर्चाकी दुर्गा पौडेल सांसद निर्वाचित भएका छन् ।

अाजको नयाँ पत्रिकामा खबर छ-कञ्चनपुर–१ मा बिनाले कांग्रेस उम्मेदवार दिवानसिंह विष्टलाई, ललितपुर–३ मा भुसालले कांग्रेसका मदन अमात्यलाई, रुकुम पूर्वमा रोकाले कांग्रेसकै हरिशंकर घर्तीमगरलाई पराजित गरे । झापा–२ मा खरेलले कांग्रेसका उद्धव थापा र प्युठानबाट पौडेलले कांग्रेसका डा. गोविन्दराज पोखरेललाई पराजित गरे ।

संविधानले ३३ प्रतिशत महिला सहभागिता हुनैपर्ने व्यवस्था गरे पनि दलहरूले प्रतिनिधिसभा निर्वाचनमा प्रत्यक्षतर्फ निकै थोरै उम्मेदवार बनाएका थिए । १६५ सिटमा कांग्रेसले नौ, एमालेले पाँच, माओवादी केन्द्रले चार, नेपाल मजदुर किसान पार्टी र राष्ट्रिय जनमोर्चाले एक–एकजना महिला उम्मेदवार बनाएका थिए । राप्रपा, राप्रपा प्रजातान्त्रिक, राजपा र संघीय समाजवादी फोरमले प्रतिनिधिसभामा महिला उम्मेदवार नै बनाएनन् ।

कांग्रेसबाट उम्मेदवार बनेका सबै पराजित
कांग्रेसले प्रतिनिधिसभामा उम्मेदवार बनाएका सबै (नौ) महिला नेतृ पराजित भएका छन् । कांग्रेसले खोटाङबाट सरस्वती बजिमय, तेह्रथुमबाट सीता गुरुङ, बाग्लुङ १ बाट चम्पादेवी खड्का, महोत्तरी २ बाट किरण यादव, काठमाडौं ३ बाट अम्बिका बस्नेत, मकवानपुर २ बाट महालक्ष्मी उपाध्याय ‘डिना’, दाङ १ बाट सुशीला चौधरी र कैलाली ५ बाट डा.आरजु राणा देउवालाई उम्मेदवार बनाएको थियो । कैलाली १ की कांग्रेस उम्मेदवार ईश्वरी न्यौपाने तेब्बरभन्दा धेरै मतले पछाडि रहेर प्रतिष्पर्धा गरिरहेकी छन् ।

एमालेले उम्मेदवार बनाएका सुनसरी ३ की भगवती चौधरी, स्याङ्जा २ की पद्मा अर्याल र कैलाली १ की मदनकुमारी (गरिमा) शाहको नतिजा आइसकेको छैन । अर्याल र चौधरीले झिनो मतले अग्रता लिइरहेका छन् । शाह भने तेब्बर मतले पछाडि परेकी छन् । उदयपुर १ बाट एमाले उम्मेदवार बनेकी मञ्जु चौधरी पराजित भइन् ।

माओवादीबाट पर्सा ४ की उम्मेदवार उर्मिला अर्याल पराजित भइन् । भक्तपुर २ बाट उम्मेदवार बनेकी नेपाल मजदुर किसान पार्टीकी अनुराधा थापा मगरले पनि पराजय बेहोरेकी छन् ।

नगन्य उम्मेदवार
प्रत्यक्षतर्पmको १६५ सिटमा कांग्रेसले नौ, एमालेले पाँच, माओवादी केन्द्रले चार, नेपाल मजदुर किसान पार्टी र राष्ट्रिय जनमोर्चाले एक–एकजना महिला उम्मेदवार बनाएका थिए ।

प्रतिनिधिसभामा तीन दलित निर्वाचित

प्रतिनिधिसभाको प्रत्यक्षतर्फ तीन दलित उम्मेदवार निर्वाचित भएका छन् । माओवादीबाट एक र एमालेबाट दुई दलित उम्मेदवार विजयी भएका हुन् । माओवादीबाट बाँके–१ मा महेश्वर गहतराज कांग्रेसका माधवराम खत्रीलाई पराजित गर्दै विजयी भए । गहतराजले ३१ हजार १७३ मत ल्याए भने खत्रीले २८ हजार २१७ मत पाए ।

रूपन्देही–१ बाट एमालेका छविलाल विश्वकर्मा र कास्की–३ बाट जगत विश्वकर्मा विजयी भए । छबिलालले ३४ हजार ७५२ र उनका प्रतिस्पर्धी कांग्रेसका अव्दुल रजाक गद्दीले २६ हजार ८८५ मत ल्याए । कास्की १ मा जगतले ३२ हजार ६९० र उनका प्रतिस्पर्धी कांग्रेसका शुक्रराज शर्माले २४ हजार ३०४ मत पाए

प्रतिक्रिया

Related Post

काङ्ग्रेस संसदीय दलको नेतामा सर्बसम्मती

Posted by - March 4, 2018 0
काठमाडौँ । कांग्रेस सभापति शेरबहादुर देउवाले संसदीय दलको नेतामा आफूलाई सर्वसम्मत बनाउने प्रयास गरेका छन् । पार्टी पराजित भएको अवस्थामा दलको…

सुविधाकाे उपभोग गर्दै ठूला दल आक्रामक प्रचारमा, उम्मेदवारका आफ्नै घोषणापत्र

Posted by - November 16, 2017 0
काठमाण्डौ । आसन्न प्रदेश र प्रतिनिधिसभा निर्वाचनका लागि कांग्रेसले प्रचारप्रसारलाई व्यवस्थित र आक्रामक बनाएको छ । घोषणापत्र, झन्डा, पार्टी सभापतिको अपिल…

बुढीगण्डकीबारे मन्त्रिपरिषद्‍मा चर्काचर्की

Posted by - November 14, 2017 0
काठमाडौं- – अनियमित र हचुवा ढंगले गेजुवासँग गरिएको बुढीगण्डकी जलविद्युत् आयोजनाको सम्झौता संसदीय समितिहरुको निर्देशनबमोजिम आज बसेको मन्त्रिपरिषद् बैठकले खारेज…

एमाले र माओवादीको एकता: भागवण्डामा नै अल्झियो

Posted by - February 5, 2018 0
काठमाडौँ ।  एमाले र माओवादी केन्द्रको एकता प्रयास पदीय भागवण्डामा अल्झिएको छ । प्रधानमन्त्री वा एकीकृत पार्टीको अध्यक्ष नपाए एकता…

सामाजिक सञ्जालकाे शक्तिले बनेका सांसद

Posted by - January 29, 2018 0
सातैपिच्छे जस्तो ‘नेपाल बन्द’ हुन थालेपछि सहरी युवाको एउटा समूह विरोध गर्दै माइतीघर मण्डला पुग्थ्यो । माइकिङ गर्दै माइतीघर पुग्ने…
%d bloggers like this: