धनराजको आँसुुले पोल्यो स्याङ्जा कांग्रेसलाई !

547 0

मंसिर २७ । ‘पार्टीभित्र धनवाद र डनवाद हावी भएको छ । त्यसैका कारण मैले उम्मेदवारी पाइनँ’ स्याङ्जाको एउटा कुनामा जन्मेर आफ्नै क्षमतामा नेपालभरि चर्चित रहन सफल रहेका कांग्रेस युवा नेता धनराज गुरुङको भनाई हो यो । आफूले उम्मेदवारी नपाए पछि करिब एक महिना अगाडि राष्ट्रिय टेलिभिजनमा अन्तर्वार्ताका क्रममा आँखाबाट बरबर्ती आँसु चुहाउँदै यही विषयलाई लिएर कांग्रेस नेतृत्व समक्ष दुुखेसो गरेका थिए उनले ।

अहिले निर्वाचनमा कांग्रेसले बेहोरेको हारका पछाडि गलत उम्मेदवारी चयन भएको विश्लेषकहरुले बताइरहेका छन् । स्याङ्जा जिल्लाको दुुईवटै निर्वाचन क्षेत्रबाट प्रतिनिधिसभाको प्रत्यक्षतर्फको उम्मेदवारका लागि धनराज गुरुङको नाम सिफारिश गरी पठाइएको थियो । तर कांग्रेस नेतृत्वले धनराजलाई प्रदेशसभामा उम्मेदवार बनाउने निर्णय ग¥यो ।

तत्कालीन अख्तियार प्रमुख लोकमान विरुद्ध महाभियोग लगाउन पार्टीभित्रैका युवा सांसदलाई एकत्रित पार्ने धनराज स्याङ्जामा मात्रै होइन मुलुकभरि नै युवाहरुका माझ रोल मोडलका रुपमा चिनिन्छन् । उनले आफूलाई प्रतिनिधिसभाका लागि मात्रै सिफारिश गरेको र प्रदेशसभाका लागि सिफारिश नगरेको भन्दै आफू प्रदेशसभाको उम्मेदवार बन्न इन्कार गरे ।

धनराजको भनाई थियो ‘मलाई जिल्लाबाट प्रतिनिधिसभामा सिफारिश गरिएको हो । म जस्तै अन्य साथीहरुलाई प्रदेशसभाको उम्मेदवारका लागि सिफारिश गरिएको छ । यदि म प्रदेशसभाको उम्मेदवार बनिदिएँ भने प्रदेशसभाका लागि सिफारिश भएका ती साथीहरुमाथि अन्याय हुन्छ ।’

स्याङ्जाका धेरैजसो युवाहरु त्यतिबेलै देखि कांग्रेस नेतृत्वप्रति रुष्ट थिए । कतिपय कांग्रेसकै स्थानीय नेताहरुले त्यसको आलोचना समेत गरेका थिए । स्याङ्जा २(ख) को प्रदेशसभामा बाहेक अन्य सबै स्थान कांग्रेसले गुमाए पछि स्याङ्जाका युवाहरु सामाजिक संजालमा लेखिरहेका छन्, ‘स्याङ्जा कांग्रेसलाई धनराजको आँसुले पोल्यो ।

प्रतिक्रिया

Related Post

कांग्रेस र माओवादी कार्यकर्ताबीच हानाहान

Posted by - November 10, 2017 0
सोलुखुम्बु । चुनावी अभियानका क्रममा सोलुखुम्बुको सोताङमा नेपाली कांग्रेस र माओवादीका कार्यकर्ताहरुबीच झडप भएको छ । झडपमाआधा दर्जन घाइते भएका…

काँग्रेसद्वारा आतंककारीलाई संरक्षणः दाहाल

Posted by - November 13, 2017 0
चितवन—चितवन क्षेत्र नं. ३ मा बाम गठबन्धनका तर्फबाट प्रतिनिधि सभा सदस्य पदका उम्मेद्वार रहेका नेकपा माओवादी केन्द्रका अध्यक्ष तथा पूर्व…

बुढीगण्डकीबारे मन्त्रिपरिषद्‍मा चर्काचर्की

Posted by - November 14, 2017 0
काठमाडौं- – अनियमित र हचुवा ढंगले गेजुवासँग गरिएको बुढीगण्डकी जलविद्युत् आयोजनाको सम्झौता संसदीय समितिहरुको निर्देशनबमोजिम आज बसेको मन्त्रिपरिषद् बैठकले खारेज…

कांग्रेससँग सति जान नसक्ने भन्दै केन्द्रको निर्देशन मानेन कास्की राप्रपाले

Posted by - November 10, 2017 0
पार्टी केन्द्रको निर्देशन विपरित राष्टिय प्रजातन्त्र पाटी कास्कीले आगामी मंसिर २१ गते हुने केन्द्र तथा प्रदेशसभाको निर्वाचनमा आफ्नो उम्मेदवारी कायम…
%d bloggers like this: