प्रचण्डका कारण नेपाली राजनीतिमा फेरी चमत्कार हुदै, आखिर के गरे प्रचण्डले

103 0

काठमाडौं। दुई महिनादेखि राष्ट्रिय सभा निर्वाचन कानुन सम्बन्धी अध्यादेश रोकेर राखेकी राष्ट्रपति विद्यादेवी भण्डारी अब अध्यादेश नरोक्ने निश्कर्षमा पुगेकी छन्।

राष्ट्रपति भण्डारीले सम्भव भए आजै नभए भोलिसम्म अध्यादेश स्वीकृत गर्ने तयारी गरेको शितलनिवास स्रोतले जनाएको छ। दुई महिनादेखि अध्यादेश रोकेका कारण राष्ट्रपति भण्डारीप्रति नेपाली कांग्रेस रुष्ठ थियो।

अहिले सत्ताको नेतृत्व गरिरहेको दल कांग्रेसले अध्यादेश छिटो स्वीकृत गर्न राष्ट्रपतिलाई दबाब दिँदै आएको छ। तर निर्वाचनबाट सबैभन्दा ठूलो दल बनेको एमालेले अध्यादेशमा राखिएको एकल संक्रमणीय निर्वाचनसम्बन्धी व्यवस्थाको विरोध गर्दै आएको छ। दुई दलको विवादका कारण अध्यादेश रोकिएको छ।

विवादको समाधानका लागि मध्यमार्गी बाटो खोज्ने भन्दै आएका माओवादी अध्यक्ष पुष्पकमल दाहाल प्रचण्डले अध्यादेश पारित गराउन एमाले र राष्ट्रपतिलाई मनाएको बताइएको छ। प्रचण्डले अध्यादेश रोक्दा सिंगो मुलुकको राजनीति नै ठप्प भएको भन्दै यसलाई पारित गराउन एमाले र राष्ट्रपतिलाई तयार पारेको शितलनिवास स्रोत बताउँछ।

प्रचण्ड बिहीबार बिहानै शितलनिवास पुगेर राष्ट्रपतिलाई भेटेका थिए। उनी यही कुराको ब्रिफिङ गर्न पुगेका हुन्। आज बिहान राष्ट्रपति र प्रचण्डको भेटलगत्तै आजै दिउँसो एमाले स्थायी कमिटीको बैठक बस्ने तयारी गरिएको छ। अर्कोतर्फ आजै मन्त्रिपरिषद बैठक पनि बसिरहेको छ।

एमालेको बैठकले अध्यादेशलाई नरोक्ने निर्णय गर्ने तयारी भएको बताइएको छ। उता मन्त्रिपरिषद्ले पनि आज गर्ने केही निर्णय एमालेको अनुकूल हुनेगरी गर्न सक्ने अनुमान छ। मन्त्रिपरिषद्ले गर्ने निर्णय एमालेअनुकूल हुनेगरी गर्ने र एमालेले कांग्रेसले चाहेअनुसारको अध्यादेश ल्याउन बाटो खोलिदिएर राजनैतिक गाँठो फुकाउने सहमति भएको विश्वस्त स्रोतले जानकारी दियो।

एमाले बैठकको निर्णय र मन्त्रिपरिषद् बैठकको निर्णय अपेक्षित आएमा राष्ट्रपतिलाई अध्यादेश पारित गर्न बाटो खुल्नेछ। एमालेबाटै राष्ट्रपति भएका कारण राष्ट्रपतिले अध्यादेश रोकेकोमा एमालेले हरियो झण्डा देखाएपछि राष्ट्रपतिले अध्यादेश पारित गर्नेछिन्। यही प्रचण्डले भनेको मध्यमार्गी बाटो भएको बताइएको छ।

दुवै बैठकको निर्णय समय छँदै आएमा आजै अध्यादेश प्रमाणीकरण हुने सम्भावना छ। यदि बैठकको निर्णय आउन ढिलाइ भएका भोलि अध्यादेश प्रमाणीकरण हुने शितलनिवास स्रोत जनाउँछ।

प्रतिक्रिया

Related Post

धनराजको आँसुुले पोल्यो स्याङ्जा कांग्रेसलाई !

Posted by - December 13, 2017 0
मंसिर २७ । ‘पार्टीभित्र धनवाद र डनवाद हावी भएको छ । त्यसैका कारण मैले उम्मेदवारी पाइनँ’ स्याङ्जाको एउटा कुनामा जन्मेर…

हेर्नुहोस कांग्रेसबाट को को छानिँदैछन् समानुपातिक संसद ? (४० जनाकै नामसहित)

Posted by - December 20, 2017 0
काठमाडौं, ५ पुस । प्रतिनिधिसभामा प्रत्यक्षतर्फ २३ सिट जितेको नेपाली कांग्रेसले समानुपातिकमा ४० सिट पाउने भएको छ । जम्मा ६३…

भारतकै दवावमा माओवादीलाई सरकार बाहिर राख्न खाेजियाे : चित्रबहादुर केसी

Posted by - February 18, 2018 0
बुटवल,फागुन ६ । राष्ट्रिय जनमोर्चाका अध्यक्ष चित्रबहादुर केसीले भारतको ईशारामा केपी ओलीले माओवादी केन्द्रलाई बाहिर राखेर मधेस केन्द्रित दलहरूसँग मिलेर…

राष्ट्रपति भण्डारी, ओली र प्रचण्डबीच यस्तो छलफल भयो शितल निवासमा

Posted by - December 20, 2017 0
काठमाडौं । राष्ट्रपति विद्या भण्डारीले राष्ट्रिय सभाको निर्वाचनसम्बन्धि अध्यादेशमा सहमति जुटाउन एमाले अध्यक्ष केपी शर्मा ओली र माओवादी केन्द्रका अध्यक्ष पुष्पकमल दाहालसँग…

चितवनका जनताले ऐतिहासिक निर्णय गर्नेछन् : दाहाल

Posted by - October 30, 2017 0
चितवन- नेकपा (माओवादी केन्द्र)का अध्यक्ष पुष्पकमल दाहालले वाम तालमेल देश र जनताको आवश्यकताले बनेको बताएका छन्। चितवनमा आयोजित पत्रकार सम्मेलनमा…
%d bloggers like this: