सभापति चलाउन सक्छु : शेखर काेइराला

129 0

विराटनगर : नेपाली काँग्रेसका केन्द्रीय सदस्य डा. शेखर कोइरालाले आफू पार्टीको नेतृत्व चलाउन लायक भइसकेको बताएका छन्। चुनावमा नेपाली काँग्रेसको पराजय, संघीय संरचनामा पार्टीलाई लग्नुपर्ने तयारी र नयाँ नेतृत्वको लागि केन्द्रीय समितिको बैठक त्यसपछि महाधिवेशनको टुंगो लाग्ने बताउँदै बुधबार विराटनरस्थित कोइराला निवासमा प्रेस युनियनले गरेको पत्रकार सम्मेलनमा कोइरालाले भने,‘ म नेतृत्व लिन लायक भइसकेको छु। पदीय जिम्मेवारी लिएर अब अघि बढ्न तयार छु।’

कोइरालाले आफू पार्टीको सभापतिको तयारी स्वरुप अब हुने जिल्ला अधिवेशन तथा पार्टीका कार्यकर्ताको मनोभाव बुझ्न देश दौडाहामा निस्कने पनि बताए। उनले भने,‘मुलुक संघीयतामा गई सकेपनि नेपाली काँग्रेसको संगठन संघीयतामा नगएकोले अब त्यसतर्फ जान पनि सम्पूर्ण काम गर्न बाँकी छ।’

काँग्रेस प्रतिपक्षमै बस्छ
कोइरालाले जनताले काँग्रेसलाई प्रतिपक्षमा बस्नका लागि म्यान्डेड दिएकोले सरकार बनाउने वा त्यसमा जाने भन्ने सोच्न नमिल्ने बताउँदै सरकार वाम गठबन्धनले नै बनाउनुपर्ने बताए। उनले भने,‘एउटै घोषणा पत्र लिएर चुनावमा जनतामाझ गएका एमाले र माओवादीले सोही अनुरुप जित हाँसिल गरेका हुन। उनीहरुले नै सरकार गठन गर्नुपर्छ।’काँग्रेसले वाम गठबन्धन तोड्ने वा फुट ल्याउन प्रयास गर्न नहुने पनि कोइरालाको भनाई थियो।

अहिलेको सतही अवस्था हेर्दा एमाले र माओवादी मिलेर एउटै कम्युनिष्ट पार्टी बन्ने सम्भावना कम रहेपनि सरकार भने बन्न सक्ने कोइरालाको तर्क थियो। काँग्रेसले अब बन्ने सरकारको गुणदोषका आधारमा आफ्नो भूमिका खेल्ने बताउँदै कोइरालाले भने,‘अधिनायकवादतर्फ लम्कने प्रयास र सोच भयो भने हामी सडक तथा सदन दुबैतर्फबाट दबाब दिन्छौं।’ उनले माओवादी गठबन्धनबाट छुटेर आउला र सरकार बनाउला भन्ने सोच काँग्रेसले राख्न नहुने बताए।

‘डेलिकेट ब्यालेन्स’ आवश्यक
कोइरालाले नेपाल चीन र भारतबीच सामरिक महत्व राख्ने भएकाले अब त्यही हिसाबको ‘डेलिकेट ब्यालेन्स’ गर्नुपर्ने सुझाव दिए। उनले भने,‘विश्वको राजनीतिक अवस्था र अन्य कारणले पनि नेपालको सामरिक महत्व अझ बढेको छ। दुई ठूला देशबीच भएको कारण पनि नेपालले ‘डेलिकेट ब्यालेन्स’ राख्न आवश्क छ।’ कोइरालाले विविध कारणले नेपालमा बाह्य शक्तिको प्रभाव बढ्ने गरेको पनि बताए।

लालबाबुलाई फोन गरें तर उठेन
आफू हारेको क्षेत्रमा विजयी भएका एमालेका उम्मेदवार लालबाबु पण्डितलाई बधाई दिन चार पटकसम्म फोन गरेपनि उताबाट भने फोन नउठेको  कोइरालाले बताए। उनले भने,‘लालबाबु जीलाई बधाई दिन चार पटकसम्म टेलिफोन गरें तर उहाँले उठाउनु भएन।’ लालबाबुले आफू विजयी भए कोइराला निवाससम्म साइकल चढेर डा. शेखरलाई लड्डु बाँड्ने भनेर अभिव्यक्ति दिएपनि निवास नआएको कोइरालाले बताए।

प्रतिक्रिया

Related Post

समानुपातिकले उक्सियो कांग्रेस

Posted by - December 18, 2017 0
काठमाडौं : गत १० र २१ गते सम्पन्न प्रतिनिधिसभा र प्रदेशसभाको निर्वाचनअन्तर्गत प्रत्यक्षमा नराम्रोसँग पराजय भोगेको कांग्रेसले समानुपातिकमा भने सकारात्मक…

यी हुन् कांग्रेसको समानुपातिबाट सांसद बन्ने ‘भाग्यमानी’ ४० अनुहार

Posted by - January 18, 2018 0
मंसिर १० र २१ गते गरी दुई चरणमा भएको निर्वाचनमा प्रत्यक्ष तर्फ २३ सिट मात्र जितेको नेपाली काग्रेसले समानुपातिकमा भने…

कुन प्रदेशमा को बन्दैछन् मुख्यमन्त्री ? यस्ता छन् दाबेदार

Posted by - December 19, 2017 0
काठमाडौं : प्रतिनिधि तथा प्रदेश सभा निर्वाचन सकिएसँगै देश अहिले प्रदेशको राजधानी र मुख्यमन्त्रीको बहसमा केन्द्रित भएको छ । एकातिर प्रादेशिक…

वाम गठवन्धनको आरोपः कांग्रेस दलाल, राजपा आत्मसमर्पणवादी, राप्रपा सामन्तवादी

Posted by - November 3, 2017 0
१७ कात्तिक, काठमाडौं । नेकपा एमाले र माओवादी केन्द्रले नेपाली कांग्रेसको चरित्र कम्युनिष्ट र श्रमजीवी जनताविरोधी रहेको टिप्पणी गरेका छन्…

सुविधाकाे उपभोग गर्दै ठूला दल आक्रामक प्रचारमा, उम्मेदवारका आफ्नै घोषणापत्र

Posted by - November 16, 2017 0
काठमाण्डौ । आसन्न प्रदेश र प्रतिनिधिसभा निर्वाचनका लागि कांग्रेसले प्रचारप्रसारलाई व्यवस्थित र आक्रामक बनाएको छ । घोषणापत्र, झन्डा, पार्टी सभापतिको अपिल…
%d bloggers like this: