नेत्रनाथ बन्ने भए प्रदेश ४ का सभामुख

139 0

२७ माघ, पोखरा । माओवादी केन्द्र प्रदेश ४ को संसदीय दलले सभामुखको उम्मेदवार टुंगो लगाएको छ । तर, एमालेले भने मुख्यमन्त्री छान्न बाँकी नै छ ।

शनिबार पोखरामा बसेको बैठकले माओवादी प्रदेशसभा संसदीयदलको बैठकले सभामुखसँगै संसदीय दलको नेता, उपनेता, प्रमुख सचेतक र सचेतक पनि समेत टुंगो लगाएको हो ।

सांसद नेत्रनाथ अधिकारीलाई सभामुख बनाउने माओवादी संसदीय दलको बैठकले निर्णय गरेको हो । नेत्रनाथ पर्वतको प्रदेश सभा क बाट निर्वाचित भएका थिए ।

‘सभामुखमा धेरैको आकांक्षा थियौं तर, नेत्रनाथजीलाई सभामुख तोक्ने निर्णय गरिएको हो,’ सभामुखको दाबादारसमेत रहेका सांसद हरिबहादुर चुमानले जानकारी दिए ।

सभामुखका लागि नेत्रनाथसँगै हरिबहादुर, आशा खनाल, गायत्री गुरुङ लगायतको दाबी थियो ।  सभामुखमा नेत्रनाथलाई तोकर अन्य पदमा तथा मन्त्री मिलाउने गरी बैठकले टुंगो लगाएको हो ।

बैठकले माओबादी संसदीय दलको नेतामा हरिबहादुरलाई जिम्मबारी दिने निर्णय गरेको छ भने रामजी बराल उपनेता बनेका छन् । प्रमुख सचेतक गायत्री गुरुङ र सचेतकमा चन्द्रबहादुर बुढालाई तोकिएको सांसद चुमानले जानकारी दिए ।

सभामुख चुन्न प्रदेशसभामा फागुन ३ गते निर्वाचन हुँदैछ । एमाले र माओवादीको प्रष्ट बहुमत भएकाले नेत्रनाथ अधिकारी सभामुख बन्ने पक्का भएको छ ।

६० सदस्यीय प्रदेशसभामा माओवादीका १२ सांसद छन् । सभामुख, सचेतक लगायत टुंग्याएसँगै माओवादी सांसदले मन्त्री पदका लागि लबिङ गरिरहेका छन् ।

मुख्यमन्त्रीको टुंगो आइतबार

यता एमालेले भने मुख्यमन्त्रीको टुंगो लगाउन आइतबार प्रदेश संसदीय दल बैठक बोलाएको छ । आइतबारको बैठकले एमाले संसदीय दलको नेताको टुंगो लगाउने छ ।
एमाले दलको नेता नै मुख्यमन्त्री बन्नेछन् ।

मुख्यमन्त्रीमा पार्टीका केन्द्रीय सचिव तथा संगठन विभागका प्रमुख पृथ्वीसुब्बा गुरुङ र स्थायी समिति सदस्य तथा प्रदेश संयोजक किरण गुरुङको दाबी छ ।

दलको नेता छान्न निर्वाचन आयोगका अध्यक्ष सोमनाथ अधिकारी प्यासीको अध्यक्षतामा अधिवक्ता सुरेन्द्र थापामगर र कमल अर्याल सदस्य रहने गरी निर्वाचन कमिटी गठन भएको छ ।

निर्वाचन आयोगका अध्यक्ष प्यासीले दुवै पक्षलाई सँगै राखेर सहमतिको प्रयास गर्ने जानकारी दिए ।  ‘पहिलो चरणमा सर्वसम्मतिबाट संसदीय दलको नेता छान्ने कोसिस गरिने छ,’ उनले भने, ‘सर्वसम्मतको प्रयास सफल हुन नसके निर्वाचन प्रक्रियामा जाने तयारी छ ।’

एमालेले संसदीय दलको नेता चयन गरेपछि प्रदेश सरकार गठनको प्रक्रिया सुरु हुनेछ । प्रदेशसभामा एमालेको २७ सदस्य छन् । एमालेले प्रदेश नम्बर ५ मा वाहेक प्रदेश नम्बर १ र ३ मा आन्तरिक चुनाव गरेर संसदीय दलको नेता चुनेको छ ।

वाम गठबन्धनमा प्रदेश ४ को मुख्यमन्त्री एमाले र सभामुख माओवादीले लिने सहमति भएको छ ।

प्रतिक्रिया

Related Post

वाम गठबन्धनको चुनावी सभा नजिकै बिष्फोट

Posted by - November 16, 2017 0
बाम गठबन्धनको चुनावी सभाका लागि शिर्ष नेताहरु आउने कार्यक्रममा बम बिष्फोट भएको छ । गलकोट नगरपालिका ३ स्थित गलकोट बहुमुखी…

चुनाव बिथोल्न खोज्‍नेलाई जेल हाल्न प्रधानमन्त्रीको निर्देशन

Posted by - November 20, 2017 0
काठमाडौं : प्रधानमन्त्री शेरबहादुर देउवाले निर्वाचन बिथोल्न खोज्ने जुनसुकै समूहलाई प्रकाउ गरी जेल हाल्न निर्देशन दिएका छन्। गृहमन्त्रालयद्वारा आयोजित प्रदेश नम्बर…

मस्ट वान्टेड कोरियाली पोखरामा पक्राउ

Posted by - February 23, 2018 0
काठमाडौं : अन्तर्राष्ट्रिय प्रहरी संगठन (इन्टरपोल) ले रेडकर्नर नोटिस जारी गरेका दक्षिण कोरियाली नागरिक सेउङ वन ली पोखरामा पक्राउ परेका छन्।अवैध…

नेपाली विद्यार्थीलाई पोखरामा २५ वर्षदेखि पढाउँदै भारतीय शिक्षक

Posted by - January 16, 2018 0
भारतको ठकुरापार पोष्ट, बढया चौक गोरखपुरका भोला सिंह ठाकुरले पोखरा लेखनाथ महानगरपालिका वडा नं ३३ भरतपोखरीस्थित शान्ति उदय मा.वि.मा पढाउन…

फागुन २५ र २६ नेपाल बन्द, अवज्ञा गर्नेले बेलुका सोच्नुहोला ! कमजोरी कस्को सरकारको कि जनता को

Posted by - March 7, 2018 0
अर्थ संसार, काठमाडौं– पूर्व जनमुक्ति सेना रञ्जित गुरुङ्ग समूहद्धारा यही फागुन २५ र २६ गते नेपाल बन्दको आह्वान गरिएको छ…
%d bloggers like this: