फजुल खर्चको पराकाष्ठा : सात महिनाको भ्रमण, तलब र इन्धन खर्चबापत १४ करोड

115 0

काठमाडौं : शेरबहादुर देउवा नेतृत्वको सरकारका मन्त्रीहरूको जिल्ला भ्रमण, इन्धनलगायत शीर्षकमा मात्रै सात महिनामा १४ करोड ५८ लाख ५ हजार एक सय २७ रुपैयाँ सकिएको छ। यो खर्च साउनदेखि माघसम्मको हो। ६४ सदस्यीय जम्बो मन्त्रिपरिषद् सदस्यको तलब, घुमघाम, इन्धन, महँगी भत्ता, सञ्चारलगायत शीर्षकमा यति खर्च भएको हो।

प्रधानमन्त्री कार्यालयका अनुसार सात महिनामा मन्त्रीको तलबमा मात्रै ८ करोड ९० लाख ९८ हजार ६ सय २२ रुपैयाँ खर्च भएको छ। यो रकम यसअघिका सरकारका पालामा हुनेभन्दा झन्डै ६० प्रतिशतले बढी हो।

कार्यालय लेखा शाखाप्रमुख उपसचिव कृष्णप्रसाद देवकोटाले मन्त्रीहरू बढी भएकाले सबै शीर्षकमा सोचेभन्दा बढी खर्च भएको जानकारी दिए। पछिल्लो सात महिनामा मन्त्रीहरूले घुमघाममा मात्रै २ करोड २८ लाख ६६ हजार ७ सय ४ रुपैयाँ सकाएका छन्। यो खर्च यसअघि सोही शीर्षकमा भएको खर्चको तुलनामा दोब्बरले बढी हो।

यस्तै, सोही अवधिमा मन्त्रीहरूले इन्धन खर्च भन्दै ८४ लाख ८४ हजार ६ सय ६३ रुपैयाँ सकाएका छन्। प्रधानमन्त्री कार्यालयले मन्त्रीहरूलाई प्रतिमहिना २ सय ७ लिटर पेट्रोल बराबरको नगद दिँदै आएको छ। मन्त्रीहरूले गाडीमा मन्त्रालयबाट नि:शुल्क पेट्रोल हाल्ने गर्छन्। प्रधानमन्त्री कार्यालयबाट मन्त्रीहरूले नगद लिने गरेका छन्। यस्तै, विविध शीर्षकमा १ करोड २४ लाख ९० हजार ४ सय १२ रुपैयाँ खर्च भएको छ। विविधको शीर्षक भने खुलाइएको छैन। कार्यालय सञ्चालन तथा मर्मतसम्भार शीर्षकमा ६६ लाख ५७ हजार ६ सय २२ रुपैयाँ, सञ्चार सुविधाबापत ११ लाख २ हजार एक सय ४२ रुपैयाँ, महँगी भत्तामा ३१ लाख ५४ हजार ७ सय १८ रुपैयाँ, कार्यालय व्यवस्थापनमा १२ लाख ४८ हजार २ सय ८४ रुपैयाँ तथा पोसाकमा ७ लाख एक हजार ९ सय ६० रुपैयाँ खर्च भएको छ।

घुमेरै सकियो १ करोड १० लाख

देउवा नेतृत्वको जम्बो सरकारका मन्त्रीहरूले पुस र माघमा मात्रै जिल्ला भ्रमणमा १ करोड १० लाख सिध्याएका छन्। प्रधानमन्त्री कार्यालयले रकम अभाव भएपछि अधिकांशको भ्रमण बिल भुक्तानी दिन सकेको छैन। प्रधानमन्त्री कार्यालयले पुसमा मात्रै थप १ करोड माग गरेको थियो। रकम सकिएपछि मन्त्रीको भ्रमण खर्च भुक्तानीकै लागि थप ५० लाख माग्ने तयारी लेखा शाखाको छ।

सात महिनाको खर्च : १४५८०५१२७

तलब : ८९०९८६२२

घुमघाम : २२८६६७०४

विविध : १२४९०४१२

इन्धन : ८४८४६६३

कार्यालय सञ्चालन तथा मर्मत सम्भार : ६६५७६२२

महँगी भत्ता : ३१५४७१८

कार्यालयसम्बन्धी छुट्टै खर्च : १२४८२८४

सञ्चार सुविधा : ११०२१४२

पोसाक : ७०१९६०

मन्त्रीहरूको पुस र माघमा अत्यधिक जिल्ला भ्रमण भएपछि भ्रमण खर्चका लागि अर्थबाट माग गरिएको १ करोड रुपैयाँ चाँडै सकिएको हो। प्रधानमन्त्री कार्यालयले चालु आर्थिक वर्ष ०७४/७५ मा सरकारका मन्त्रीहरूको भ्रमण तथा अनुगमनका लागि १ करोड ३० लाख रुपैयाँ विनियोजन गरेको थियो। विनियोजित रकम साउन–मंसिरसम्मको ५ महिना अवधिमै सकिएपछि प्रधानमन्त्री कार्यालयले पुस दोस्रो साता एक करोड माग गरेको थियो।

एक वर्षका लागि भ्रमणमा छुट्याइएको सबै रकम सकिएपछि वर्तमान सरकारमा सहभागी हुने मन्त्रीका लागि भ्रमण खर्चबापतको रकम शून्य अवस्थामा पुगेको छ।

‘मन्त्रीहरूले पुस–माघमा पेस गरेको बिलका आधारमा भुक्तानी गरेको भए ५ करोड आवश्यक पथ्र्याे’, लेखा शाखाका एक अधिकारीले भने।

‘भुक्तानीका लागि बढी पैसाको बिल पेस गरिएको थियो तर हामीले एक/एक परीक्षण गरेर रकम घटाएर दिँदा पनि १ करोड अपुग हुन पुग्यो’, लेखा शाखाका ती अधिकारीले अन्नपूर्णसित भने।

प्रतिक्रिया

Related Post

हेर्नुस्, प्रदेशका राजधानी कहाँ कहाँ कायम हुँदैछन् ?

Posted by - November 15, 2017 0
संघीय संरचनाअनुसार प्रदेशसभाको निर्वाचन नजिकिएसँगै आफ्नो क्षेत्रका प्रदेश राजधानी कहाँ तोकिएला भन्ने चासो मतदातामा बढेको छ । राजनीतिक दलका स्थानीय…

पोखरामा प्रहरीले पत्रकारलाई कुटेको भिडियो भाइरल (भिडियो हेर्नुहोस्)

Posted by - February 7, 2018 0
, २४ माघ !! पृथ्वीनारायण क्याम्पसका विद्यार्थीलाई सोमबार साँझ पोखराको नगरबसले ठक्कर दिएर मृत्युपछि मंगलबार बिहानैदेखि क्याम्पसगेट क्षेत्र तनावपूर्ण रह्यो ।…

काठमाडौं-८ : ‘किल्ला’ जोगाउने र भत्काउनेको लडाइँ

Posted by - November 10, 2017 0
काठमाडौं : बहुदलकालका तीन चुनावमा तीनैपल्ट लालकिल्ला तर पछिल्ला दुई संविधानसभा चुनावमा लगालग कांग्रेसको वर्चश्व । काठमाडौं-८ को चुनावी माहोल तताउन…

पुरानै परिचयपत्रका आधारमा मतदान गर्न पाइने

Posted by - November 17, 2017 0
काठमाडौँ, मङसिर १  गते ।  निर्वाचन आयोगले मङ्सिर १० र २१ गते दुई चरणमा हुने प्रतिनिधिसभा तथा प्रदेशसभा सदस्य निर्वाचनका लागि…

शैक्षिक भ्रमणमा हिँडेको स्कुल बस दुर्घटना, ४० घाइते ५ को अवस्था गम्भिर

Posted by - November 10, 2017 0
कार्तिक २४, २०७४-नवलपरासीको सुक्रौलीमा स्कुल बस दुर्घटना हुँदा ४० जना विद्यार्थी घाईते भएका छन् । चितवनको भरतपुर महानगरपालिका–१६ स्थित देवज्योती…
%d bloggers like this: