मन्‍त्रिपरिषद् बैठक : ३० मन्त्रालय गाभेर १७ बनाइयाे

120 0

काठमाडौं : अब संघीय सरकारमा १७ वटा मन्त्रालय रहने भएका छन्। केन्द्रीकृत शासन प्रणालीअनुसार स्थापना भएका ३० वटा मन्त्रालय गाभिएर १७ बनाइएको छ । शुक्रबार बिहान बसेको मन्त्रिपरिषद् बैठकले मन्त्रालय घटाएर १७ मन्त्रालय बनाइएको महिला तथा बालबालिका मन्त्री थममाया थापाले बताइन् ।

केन्द्रीय निकाय (प्रधानमन्त्री तथा मन्त्रिपरिषद् कार्यालय) बाहेक ३० वटा मन्त्रालय थिए अब केन्द्रीय निकायसहित १८ वटा प्रमुख निकाय रहने छन्।

उद्योग, वाणिज्य तथा आपूर्ति मन्त्रालय गाभिएर एउटै मन्त्रालय बन्ने भएको छ। यसैगरी कृषि, पशु विकास र भूमिसुधार मन्त्रालय गाभिएर कृषि, सहकारी तथा भूमिव्यवस्था मन्त्रालय बन्नेछ। सिँचाइ, ऊर्जा र खानेपानी मन्त्रालय गाभिएर जलस्रोत तथा ऊर्जा मन्त्रालय बनेको छ ।

यसैगरी वन र वातावरण मन्त्रालय गाभिएर वन तथा वातावरण मन्त्रालय बनेको छ भने महिला, बालबालिका र श्रम तथा रोजगार मन्त्रालय पनि गाभिएको छ। शिक्षा, विज्ञान प्रविधि र युवा तथा खेलकुद मन्त्रालय गाभेर शिक्षा तथा विज्ञान प्रविधि र युवा खेलकुद मन्त्रालय बनाइएको छ भने संघीय मामिला, स्थानीय विकास र सामान्य प्रशासन मन्त्रालय गाभेर संघीय मामिला तथा सामान्य प्रशासन मन्त्रालय बनेको छ।

विभिन्न समय बनेका सरकारले यसअघि सुरुमा १८ को संख्यामा रहेको मन्त्रालय बढाउँदै २१, २५, २७ हुँदै ३० वटासम्म पुर्‍याएका थिए। सरकाद्वारा विभिन्न समयमा गठन गरिएका प्रशासन सुधार आयोग तथा प्रशासन पुन:संरचना समितिले मन्त्रालयको संख्या घटाएर १२ देखि १८ वटासम्म पुर्‍याउन सरकारलाई सुझाव दिँदै आए पनि कार्यान्वयन हुन सकेको थिएन।

अब केन्द्रमा रहने मन्त्रालयहरु यस्ता हुनेछन् ( मन्त्रालय र तिनका कार्य जिम्मेवारीसहित )

१ प्रधानमन्त्री तथा मन्त्रिपरिषद् कार्यालय :शासन व्यवस्थाको सामान्य निर्देशन, नियन्त्रण र सञ्चालन , मन्त्रिपरिषद्को सचिवालय, जनशक्ति व्यवस्थापन

२. अर्थ मन्त्रालय : अर्थ नीति तथा योजना

३. उद्योग वाणिज्य तथा अापूर्ति: उद्योग वाणिज्य र अापूर्ति सम्बन्धी कार्य

४. कानुन न्याय तथा संसदीय मामिला मन्त्रालय : ऐन नियम कानुन, संसदीय मामिला

५. कृषि, सहकारी तथा भूमि व्यवस्था मन्त्रालय : कृषि पशुपालन सहकारी तथा भूमिसुकार

६. गृह मन्त्रालय : शान्ति सुरक्षा तथा शान्ति व्यवस्था

७. जल श्रोत तथा उर्जा मन्त्रलाय :सिंचाई, उर्जा, खानेपानी, जल उत्पन्न प्रकोप

८. परराष्ट्र मन्त्रालय : परराष्ट्र मामिला

९. वन तथा वातावरण मन्त्रालय : वन,वातावरण, भुसंरक्षण , जलाधार, जल तथा मौसम विज्ञान

१०. भौतिक पूर्वाधार तथा यातायात : सडक, यातायात र आवास

११. महिला बालबालिका एवं श्रम तथा रोजगार :  महिला जेष्ठ नागरिक, तथा बालबालिका, श्रम तथा रोजगार सम्बन्धी कार्य

१२. रक्षा मन्त्रालय : रक्षा सम्बन्धी

१३. शिक्षा, विज्ञान, प्रविधि एवं युवा तथा खेलकुद मन्त्रालय : शिक्षा, विज्ञान, युवा , खेलकुद गतिविधि सम्बन्धी कार्य

१४. संस्कृति पर्यटन, नागरिक उड्ययन मन्त्रालय : कला संस्कृति, पर्यटन, नागरिक तथा हवाई उड्ययन

१५. स्वास्थ्य तथा जनसख्ंया : स्वास्थ्य, जनसंख्या सम्बन्धी कार्य

१६ शहरी विकास तथा खानेपानी : शहरी विकास, योजना तथा खानेपानी सम्बन्धी

१७ सञ्चार तथा सूचना प्रविधि : सूचना, सञ्चार एवं प्रविधि सम्बन्धी कार्य

१८संघीय मामिला तथा सामान्य प्रशासन : स्थानीय, संघीय विकास , कर्मचारी तथा जनशक्ति व्यवस्थापन

प्रतिक्रिया

Related Post

मालेबाट संसद बनेका नवराज सिलवाललाई कारबाही गर्नु पर्ने सर्वोच्चको आदेश

Posted by - December 14, 2017 0
सर्वोच्च अदालतले नेकपा एमालेका नव निर्वाचित सांसद एवं तत्कालिन प्रहरी नायव महानिरीक्षक (डिआइजी) नवराज सिलवालले बढुवाका लागि प्रस्तुत गरेको कार्य…

प्रधानमन्त्री देउवाद्वारा प्रकाशको निधनप्रति श्रद्धाञ्जली अर्पण

Posted by - November 19, 2017 0
काठमाण्डु, ३ मंसिर– प्रधानमन्त्री शेरबहादुर देउवाले पूर्व प्रधानमन्त्री एवम् माओवादी केन्द्रका अध्यक्ष प्रचण्डका छोरा प्रकाश दाहालको मृत्युले मर्माहत भएको बताएका…

निर्वाचन सुरक्षामा चुनौती, सिंचाई मन्त्री लक्षित गरी बम विष्फोट

Posted by - November 16, 2017 0
सिंचाई राज्य मन्त्री एवम् कांग्रेस उम्मदवार अमरसिंह पुनलाई निशाना बनाई रोल्पाको सुवर्णवती गाउँपालिका–१, घोडागाउँमा लक्षित गरी बम विष्फोट भएको छ…

एलजी समूहका गुण्डा नाईके गुरुङ कास्की प्रहरीको खोरमा

Posted by - April 8, 2018 0
कास्की । जिल्ला प्रहरी कार्यालय कास्कीले पोखराका चर्चित गुण्डा कथित डन ललित गुरुङलाई पक्राउ गरेको छ । जिल्ला प्रहरी कार्यालय…

“म आफुलाई सम्हाल्छु ,निर्वाचनसम्बन्धी कार्यक्रम नरोक्नू ” – प्रचण्ड

Posted by - November 19, 2017 0
३ मंसिर, काठमाडौं ।माओवादी अध्यक्ष प्रचण्ड पुत्र शोकमा परे लगत्तै विभिन्न जिल्लामा तय गरिएका चुनावी कार्यक्रमहरु स्थगित हुन थालेपछी अध्यक्ष…
%d bloggers like this: