एलजी समूहका गुण्डा नाईके गुरुङ कास्की प्रहरीको खोरमा

51 0

कास्की । जिल्ला प्रहरी कार्यालय कास्कीले पोखराका चर्चित गुण्डा कथित डन ललित गुरुङलाई पक्राउ गरेको छ । जिल्ला प्रहरी कार्यालय कास्कीले विभिन्न व्यवसायी, उद्योगीलाई डर-त्रास देखाएर असुल्न खोजेको सूचना आएपछि गुरुङलाई पक्राउ गरेको जनाएको छ । गुरुङलाई प्रहरीले शनिबार पक्राउ गरेको हो । जिल्ला प्रहरी कार्यालय प्रमुख एसपी अशोक सिंहले उनलाई गुण्डागर्दीको आरोपमा पक्राउ गरिएको बताए ।

कुनै बेला लालिगुराँस समूह अर्थात ‘एलजी समूह’को नाममा उनले आतंक मच्चाउने गरेका थिए । यद्यपि पछिल्लो समय गुण्डागर्दी छाडेर उनी नेपाली काँग्रेसको राजनीतिमा प्रवेश गरेका थिए । उनको समूह अहिले फुटेर तीन टुक्रा बनिसकेको छ भने उनीबाट छुट्टिएका प्रायजसो सवैजना विभिन्न ब्यवसायमा लागेका छन् । एक ताका कास्की जिल्ला प्रहरीमाथि नै पेस्तोल हानेपछि गुण्डागर्दीमा उनको नाम चल्न सुरु भएको थियो ।

स्रोतका अनुसार गुण्डाका नाइके गुरुङले लेकसाईडमा रहेका विभिन्न होटलमा महिनौंसम्म बस्ने, खाने र रकम तिर्न आनाकानी गर्दै थर्काउने गरको थिए । होटल कुमारी इनमा उनी ५,६ महिनासम्म बसेर खाएको पैसा नतिरेपछि त्यहाँ जान छाडेका थिए । अहिले उक्त होटल पहिला उनकै समूहमा रहेका महेन्द्र भोटेले सञ्चालन गर्न थालेका छन् । त्यसपछि उनी होटल बाटिका इनमा बस्ने-खाने गर्दै आएकोमा त्यहाँ पनि महिनौंसम्म रकम नतिरेपछि केही दिन पहिले होटलका सञ्चालक र उनीबीच बादविवाद भएको थियो ।

त्यसो त, सनराईज बैंकबाट किस्ता लिएको ग २ च ८३८६ नम्बरको गाडिको किस्ता नतिरेपछि बैंकले लिलामी निकालेको थियो । स्रोतका अनुसार बैंकलाई समेत उनले थर्काउने गरका थिए । पछि बैंकलाई उनले थर्काएर थामथुम गर्दै केही रकम दिएर गाडि लिलामी हुनबाट जोगाएका थिए । उनका विशेष सहयोगी अर्जुन गुरुङ (घिताङ्गा) एक महिना पहिले लागूऔषध मुद्दामा समातिका छन् ।

प्रतिक्रिया

Related Post

वर्षमानको घोषणाः हाइड्रोमा शेयर भएका युवालाई खोजेर ज्वाईं बनाउने दिन ल्याउँछु

Posted by - March 18, 2018 0
काठमाण्डु, ३ चैत– नवनियुक्त उर्जा, जलस्रोत तथा सिञ्चाइमन्त्री वर्षमान पुनले नतिजा देखिने गरी काम गर्ने प्रतिबद्धता देखाएका छन् । माओवादी…

प्रचण्डपुत्र प्रकाश दाहालको निधन

Posted by - November 19, 2017 0
काठमाडौं :  नेकपा माओवादी केन्द्रका अध्यक्ष पुष्पकमल दाहाल प्रचण्डपुत्र प्रकाश दाहालको निधन भएको छ । गम्भीर बिरामी परेपछि काठमाडौंस्थित नर्भिक…

पोखराको लेकसाइडमा शिवरात्रीको अवसरमा साँगीतिक कार्यक्रमको हुने

Posted by - February 12, 2018 0
‘महाशिवरात्री साँगीतिक कार्यक्रम’ तयारी पूरा भएको छ। शिवरात्रीको अवसरमा लेकसाइड हल्लनचोकमा फागुन १ साँझ ६ बजेदेखि प्रस्तुति रहने सत्याकृत व्याण्डका…

चुनाव हारेपनि मन्त्री बन्न पाइने प्रावधान, नारायणकाजी र बामदेवलाई के फाइदा ?

Posted by - December 13, 2017 0
मंसिर २७, काठ्माडौं । प्रतिनिधिसभाको चुनावमा पराजित भएका एमाले नेता वामदेव गौतम र माओवादी नेता नारायणकाजी श्रेष्ठलाई संघीय संसदमा प्रवेश गर्ने…
%d bloggers like this: