वालिङ नगरपालिकालाई स्मार्ट सिटी बनाउँछु –मेयरका प्रत्यासी खाँण

15 0

स्याङजा । स्याङ्जाको वालिङ नगरपालिकाको मेयर पदका पत्यासी नेपाली काँग्रेसका नेता दिलिपप्रताप खाँणले वालिङ नगरपालिकालाई १५ वर्षभित्र स्मार्ट सिटी बनाउने योजना रहेको बताएका छन् । बैशाख ३१ गते चुनाव हुँदै गर्दा खाँणले दलहरुको सहमतिमै वालिङलाई स्मार्ट सिटी बनाउन आफूले अहम् भूमिका खेल्ने बताएका हुन् । उनले आफूसंग जनमत रहेकाले पनि मेयरमा जित्ने आधार रहेको बताए ।
खाँणसंग नागरिक सन्देशले गरेको छोटो कुराकानी –
तपाईलाई नै भोट किन हाल्ने ?
म जनताका काममा भिजिरहेकाले मैले केही गर्छु भन्ने विश्वास मतदातामा पनि परेको छ । त्यसैले काम गर्ने मान्छेलाई भोट हाल्नुप¥यो नि ।
काम गर्नुहुन्छ भने आधार के छ ?
मैले ०४६ सालदेखि निरन्तर राजनीतिमार्फत नै सामाजिक काम गर्दै आइरहेको छु । त्यसकै नतिजा मैले ०५४ सालको स्थानीय निकायको निर्वाचनमा निर्वाचित उपमेयर हुने अवसर पाएँ । त्यसयता निरन्तर काममा खटिएको छु । मैले कुनै पनि सामाजिक गतिविधि छाडेको छैन । जनताको विश्वास नै मैले जित्ने आधार हो ।
के चाहन्छन् जनता ?
जनता विकास चाहन्छन् । सडक १२ महिना नै चलोस् भन्ने हो । खानेपानीको समस्या छ । सिंचाईको समस्या छ । यसको समाधान मैले नै गर्ने हो । हामीले नै वालिङलाई स्मार्ट सिटी बनाउने योजना ल्याएका छौं । काँग्रेसले यसको अग्रसरता लिएको छ । यसको घोषणा भइसकेको छ । ५ वर्षमा यसको पूर्वाधार पूरा गर्ने योजना छ । १५ वर्षभित्र यसलाई तयार गर्नेछौं ।
प्रतिस्पर्धा कस्तो छ ?
प्रतिस्पर्धा त्रिकोणीय होला कि । माओवादी केन्द्र र एमाले आउलान् । हुनत राप्रपा, नयाँ शक्ति र जनमोर्चा पनि छन् ।
मतदातासंग तपाई कसरी नजिक हुनुहुन्छ ?
समाजसेवामा लागिरहेकाले म गरिमा विकास बैंकको अध्यक्षका रुपमा रहेको छु । स्थानीय क्याम्पसमा पनि म अध्यक्षकै रुपमा रहेको छु । यसरी प्रत्यक्ष परोक्ष आफू मतदाताकै वरिपरि घुमिरहेको छु । ४९ वर्षको भएँ । अनुभव पनि बटुलें । अब प्रत्यक्ष मेयर भएर जनताका घरघरमा विकास पुर्याउने योजना छ ।

प्रतिक्रिया

Related Post

“चुनाव गराउन कानुनले रोकिदैन”

Posted by - November 10, 2017 0
यज्ञबहादुर थापा मन्त्री, कानुन, न्याय तथा संसदीय मामिला संविधानको कार्यान्वयनअन्तर्गत २ नम्बर प्रदेशबाहेकका ६ वटा प्रदेशमा स्थानीय तहको निर्वाचन सम्पन्न…

अस्पतालसंगै रोग पनि भित्रिने भन्दै नागढुङ्गावासीको चिन्ता, अस्पताललाई सर्त

Posted by - October 30, 2017 0
पोखरा । फेवासिटी हस्पिटल नागढुङ्गामा सञ्चालन भएको ८ वर्ष पुग्यो । र फेरी अहिले चरक हस्पिटल पनि नागढुङ्गामै आउँदै छ…

गुण्डा नाइके चक्रे मिलन समूह र प्रहरीवीच गोली हानाहान, एक घाइते

Posted by - October 30, 2017 0
६ असोज, काठमाडौं । गुण्डा नाइके चक्रे मिलन समूह र प्रहरीवीच काठमाडौंको पेप्सीकोलामा गोली हानाहान भएको छ । गोली लागेर…

एमालेले माओवादीलाई आफ्नो आवरणभित्र घिसार्न सफल भएको छ: खगेन्द्र संग्रौला (अन्तर्वार्ता)

Posted by - November 13, 2017 0
खगेन्द्र संग्रौला लेखक र समिक्षक हुन् । भित्तैमा पुर्याउने गरि शब्दवाण प्रहार गर्ने कलामा पोख्त मानिन्छन् । तुलनात्मक रुपमा उनी यस…

मलाई कति बदनाम गर्न सकेको हो ?

Posted by - November 17, 2017 0
प्रदेशसभा निर्वाचनमा मनाङ ख बाट स्वतन्त्र उम्मेदवार भएपछि चर्चा गर्माएको छ–  दीपक मनाङ्गे अर्थात राजीव गुरुङको । झन्डै २ हजार ५ सय…
%d bloggers like this: