लगानीका लागि आकर्षक बन्यो गुराँस लाइफ, अधिकांश सूचकमा फड्को

20 0

काठमाण्डौ । गुराँस लाइफ इन्स्योरेन्सले चालुु आर्थिक वर्षको पहिलो त्रैमासमा कमालको प्रगति गरेको छ । यो जीवन बिमा कम्पनीले समीक्षा अवधिमा २ करोड ६६ लाख खूद नाफा आर्जन गरेको हो । अघिल्लो वर्षको यही अवधिमा ८९ लाख २६ हजार मात्र नाफा आर्जन गरेको थियो । यो हिसाबले नाफामा १ सय ९९ प्रतिशतको प्रगति गरेको देखिन्छ ।

समीक्षा अवधिमा यो कम्पनीले बिमा शुल्कबाट हुने आयमा फड्को मारेको छ । अघिल्लो वर्षको यही अवधिमा २० करोड ५७ लाख बिमाशुल्कबाट आम्दानी भएकोमा यो वर्ष बढेर २८ करोड १० लाखको उचाईमा पुुगेको छ ।

लगानी, कर्जा तथा अन्यबाट हुने आयमा समेत उस्तै छलाङ मारेको छ । अघिल्लोवर्ष ३ करोड ८९ लाख रुपैयाँ यस्तो आय भएकोमा बढेर यो वर्ष ८ करोड ९६ को उचाईमा पुुगेको छ ।

अघिल्लो वर्षको पहिलो त्रैमासमा १७ लाख ७० हजार रुपैयाँ रहेको बिमालेख धितोमा कर्जाबाट हुने आय बढेर यो वर्ष ३२ लाख ५६ हजार पुुगेको छ ।

समीक्षा अवधिमा गुराँस लाइफले ३ करोड ३० लाख बराबरको दाबी भुक्तानी गरेको छ । अघिल्लो वर्षको यही अवधिमा यो कम्पनीले १ करोड ६६ लाख बराबरको दाबी भुक्तानी दिएको थियो ।

अघिल्लो वर्ष ३ करोड ७ लाख रहेको व्यवस्थापन खर्च यो वर्ष ३ करोड १७ लाख मात्र पुुगेको छ । व्यवस्थापन खर्चमा भएको नियन्त्रणले समेत नाफा बढ्न सहयोग पुुगेको देखिन्छ ।

अघिल्लो वर्षको पहिलो त्रैमाससम्म १ लाख २८ हजार कायम बिमालेखको संख्या बढेर यो वर्ष १ लाख ८० हजार पुुगेको छ ।

यो जीवन बिमा कम्पनीले २ अर्ब ३९ करोडमा सीमित जीवन बिमा कोषलाई बढाएर ३ अर्ब ३१ करोड पुर्याएको छ । जगेडाकोषलाई समेत थप मजबुत बनाएको छ । अघिल्लो वर्षको पहिलो त्रैमाससम्म १७ करोड १६ लाख रुपैयाँ रहेको जगेडाकोषमा समीक्षा अवधिसम्म २१ करोड ८० लाख जम्मा भएको छ ।

समीक्षा अवधिमा यो कम्पनीको प्रतिसेयर आम्दानी १७.९५ रुपैयाँ, प्रतिसेयर नेटवर्थ १४१.२८ रुपैयाँ र मूल्य आम्दानी अनुपात ५७.१० गुणा कायम भएको छ ।

 

प्रतिक्रिया

Related Post

सिन्डिकेट गर्न नपाउँदा आन्दोलनको धम्की

Posted by - October 30, 2017 0
कार्तिक १३, २०७४-सिन्डिकेट गर्न नपाउँदा पेट्रोलियम ढुवानी व्यवसायीले पेट्रोलियम पदार्थ लोड/अनलोड ठप्प पार्ने चेतावनी दिएका छन् । नयाँ टयांकर थप्न…

एनआईबीएल क्यापिटल र एस क्यापिटल गाभिँदै

Posted by - November 10, 2017 0
काठमाडौं, (नेस) एनआईबीएल क्यापिटल मार्केट्स र एस क्यापिटलबीच एक आपसमा गाभिने सम्बन्धी सम्झौता भएको छ। बिहीबार सम्पन्न सम्झौतामा एनआईबीएल क्यापिटलका…

गेजुवासँगको सम्झौता खारेज

Posted by - November 14, 2017 0
कार्तिक २८, २०७४-दुई संसदीय समितिको निर्देशन टेक्दै मन्त्रिपरिषद् बैठकले बूढीगण्डकी जलविद्युत् आयोजना बनाउन चिनियाँ कम्पनी गेजुवा गु्रपसँग भएको सम्झौता खारेज…

आजदेखि ब्याजदर करिडर, अन्तरबैंक ब्याजदर ५% माथि नभए बजारमा पैसा नपठाइने

Posted by - November 15, 2017 0
काठमाण्डौ । चालुु आर्थिक वर्षको मौद्रिक नीति सार्वजनिक गरिएको चार महिनापछि नेपाल राष्ट्रबैंकले बुधबार(आज)देखि ब्याजदर करिडर लागूू गरेको छ ।…
%d bloggers like this: