हिमालयन जनरल इन्स्योरेन्स: २६ लाखले नाफा बढ्दा जगेडाकोषमा १.९ करोडको पहिरो

31 0

काठमाण्डौ । हिमालयन जनरल इन्स्योरेन्सले चालुु आर्थिक वर्षको पहिलो त्रैमासमा २ करोड २३ लाख खूद नाफा आर्जन गरेको छ । अघिल्लो वर्षको यही अवधिमा यो कम्पनीको नाफा १ करोड ९७ लाखमा सीमित थियो ।

समीक्षा अवधिमा हिमालयन जनरल इन्स्योरेन्सले १० करोड ४९ लाख बिमा शुल्कबाट खूद आम्दानी गरेको छ । अघिल्लो वर्ष यही अवधिमा यस्तो आम्दानी ८ करोड २२ लाखमा सीमित थियो ।

यो कम्पनीको पुनर्बिमा कमिसनबाट हुने आय भने घटेको छ । अघिल्लो वर्ष ३ करोड ४२ लाख रहेको यस्तो आम्दानी घटेर यो वर्ष २ करोड १८ लाखमा सीमित भएको छ । लगानी, कर्जा तथा अन्यबाट हुने आय भने बढेको छ । अघिल्लो वर्ष यस्तो आय ६७ लाख रहेकोमा यो वर्ष बबढेर १ करोड ९५ लाखको उचाईमा पुुगेको छ ।

कम्पनीले समीक्षा अवधिमा ३ करोड ११ लाख बढीको दाबी भुक्तानी गरेको छ । अघिल्लो वर्षको यही अवधिमा यस्तो दाबीभुक्तानी २ करोड ९० लाखमा सीमित थियो ।

अघिल्लो वर्षको यही अवधिमा जारी बिमालेखको संख्या ६ हजार ६ सय ४ रहेकोमा यो वर्ष बढेर ९ हजार ९ सय ३३ पुुगेको छ ।

यो कम्पनीले बिमा कोषलाई थप मजबुत बनाएको छ । अघिल्लो वर्षको पहिलो त्रैमाससम्म २७ करोड ५१ लख रुपैयाँ रहेको यस्तो कोषमा समीक्षा अवधिसम्म ३४ करोड २१ लाख जम्मा भएको छ । तर, जगेडाकोष भने केही घटेको छ । अघिल्लो वर्षको यही अवधिमा १३ करोड ९५ लाख रुपैयाँ रहेको जगेडाकोष खुम्चिएर यो वर्ष १२ करोड ५ लाखमा सीमित बन्न पुुगेको छ ।

समीक्षा अवधिमा यो कम्पनीको प्रतिसेयर आम्दानी २.१९ रुपैयाँ, प्रतिसेयर नेटवर्थ १४५.३७ रुपैयाँ र मूल्य आम्दानी अनुपात ३४२.७६ गुणा कायम भएको छ ।

 

प्रतिक्रिया

Related Post

लगानीका लागि आकर्षक बन्यो गुराँस लाइफ, अधिकांश सूचकमा फड्को

Posted by - November 16, 2017 0
काठमाण्डौ । गुराँस लाइफ इन्स्योरेन्सले चालुु आर्थिक वर्षको पहिलो त्रैमासमा कमालको प्रगति गरेको छ । यो जीवन बिमा कम्पनीले समीक्षा…

गेजुवासँगको सम्झौता खारेज

Posted by - November 14, 2017 0
कार्तिक २८, २०७४-दुई संसदीय समितिको निर्देशन टेक्दै मन्त्रिपरिषद् बैठकले बूढीगण्डकी जलविद्युत् आयोजना बनाउन चिनियाँ कम्पनी गेजुवा गु्रपसँग भएको सम्झौता खारेज…

एनआईबीएल क्यापिटल र एस क्यापिटल गाभिँदै

Posted by - November 10, 2017 0
काठमाडौं, (नेस) एनआईबीएल क्यापिटल मार्केट्स र एस क्यापिटलबीच एक आपसमा गाभिने सम्बन्धी सम्झौता भएको छ। बिहीबार सम्पन्न सम्झौतामा एनआईबीएल क्यापिटलका…

सिन्डिकेट गर्न नपाउँदा आन्दोलनको धम्की

Posted by - October 30, 2017 0
कार्तिक १३, २०७४-सिन्डिकेट गर्न नपाउँदा पेट्रोलियम ढुवानी व्यवसायीले पेट्रोलियम पदार्थ लोड/अनलोड ठप्प पार्ने चेतावनी दिएका छन् । नयाँ टयांकर थप्न…
%d bloggers like this: